16.03.2026 | 17:12
Քննարկվել են զբոսաշրջության ոլորտում համագործակցության զարգացման հնարավորությունները. ավարտվել է MITT 2026 ցուցահանդեսը
Էներգախնայողության թեման պետք է դառնա ռազմավարական առաջնահերթություն․ վարչապետ. ՏԵՍԱՆՅՈՒԹ
Տնտեսություն
20.02.2020 | 11:51
Էներգախնայողության թեման պետք է դառնա ռազմավարական առաջնահերթություն: Կառավարության այսօրվա նիստում ՀՀ կառավարության և Եվրոպական հանձնաժողովի միջև «ԵՄ-ն էներգաարդյունավետության և շրջակա միջավայրի համար» համաձայնագրի ստորագրման առաջարկությանը հավանություն տալու մասին նախագծի քննարկման ժամանակ ասաց վարչապետ Նիկոլ Փաշինյանը: Նախագիծը ներկայացրեց փոխվարչապետ Մհեր Գրիգորյանը։
«Այսօր մենք բոլորս մեր բնակարանների ջեռուցման համար ծախսում ենք իքս գումար, և այդ գումարը կարող է նվազեցվել, եթե մենք որոշակի ներդրումներ անենք էներգախնայողության համար։ Եթե մենք բնակարանի ջեռուցման համար ծախսում ենք 1000 դրամ, իսկ էներգախնայողության դեպքում ծախսենք 700 դրամ և, օրինակ, էներգակիրների հնարավոր թանկացումները լուրջ ազդեցություն չեն ունենա մեր բնակարանային տնտեսությունների վրա… Այս առումով ես կարծում եմ, որ էներգախնայողության թեման պետք է ունենա ռազմավարական նշանակություն»,- նշեց Փաշինյանը:
Փոխվարչապետն ընդգծեց, որ ծրագրով 17 մլն դոլարի դրամաշնորհ է լինելու էներգախնայողության նպատակով ֆիզիկական անձանց տրամադրված վարկերի համար:
Վարչապետի հարցին՝ արդյո՞ք մարդիկ հնարավորություն են ունենալու առանց տոկոսի վարկ ստանալ՝ իրենց տունը էներգախնայող դարձնելու համար, փոխվարչապետը պատասխանեց. «Այո, չի բացառվում, որ լինի և՛ համաֆինանսավորում, և՛ տոկոսի զրոյացում»:
Մանրամասները՝ տեսանյութում։
