09.10.2026 | 11:13
ՈՒԵՖԱ-ի անդամ բոլոր երկրները միացել են ՖԻՖԱ-ում բարեփոխումների կոչին՝ բացառությամբ Ադրբեջանի
Մահացել է ժողովրդական արտիստ Երվանդ Մանարյանը
20.02.2020 | 10:01
95 տարեկանում կյանքից հեռացել է ՀՀ ժողովրդական արտիստ Երվանդ Մանարյանը: Այս մասին տեղեկանում ենք նրա թոռնուհու՝ Լիլիթ Մանարյանի ֆեյսբուքյան էջից: «Իմ պապիկ, իմ սիրելի, իմ փարոս, Աստված հոգիդ լուսավորի… Ես անվերջանալի սիրում եմ քեզ…»,- գրել է Լիլիթ Մանարյանը:
Դերասանի որդի Քրիստ Մանարյանն էլ հրապարակել է հոր և լուսանկարիչ Գերման Ավագյանի լուսանկարը, մակագրելով այսպես. «Էս ուրախ լուսանկարը երկու օրվա մեջ դարձավ պատմություն՝ սկզբից Գերմանը, հետո պապան մեզ լքեցին»:
Նշենք, որ Երվանդ Մանարյանը ծնվել է 1924-ին, Իրանում։ Նրանց ընտանիքը 1946-ին ներգաղթել է Հայաստան։ Մանարյանը խաղացել է բազմաթիվ սիրված ֆիլմերում։
Նրա ամենաճանաչված դերերից են Երվանդը` «Հարսնացուն հյուսիսից» ֆիլմում, Սարսափունին` «Ընկեր Փանջունիում», Երվանդը` «խոհարարները գնում են մրցույթի» ֆիլմում։
Երվանդ Մանարյանը նաև մի շարք ֆիլմերի սցենարիստ և ռեժիսոր է։ 2019-ի հոկտեմբերին քաղաքապետ Հայկ Մարությանը Երվանդ Մանարյանին Երևանի պատվավոր քաղաքացու կոչում էր շնորհել:
Նելլի Մելքոնյան
