09.10.2026 | 20:10
Ժանտախտ․ ինչպես է փոխանցվում, որքանով է վտանգավոր և արդյոք բուժում կա․ զրույց մասնագետի հետ. ՏԵՍԱՆՅՈՒԹ
Ովքե՞ր և ի՞նչ են զեկուցում Նիկոլ Փաշինյանին․ Նինա Կարապետյանցը՝ բանակում տիրող իրավիճակի մասին. ՏԵՍԱՆՅՈՒԹ
Հասարակություն
18.02.2020 | 12:35
Կառավարության գործողությունները բանակում ուշացած են: Խաղաղ պայմաններում ԶՈՒ-ում գրանցվող մահվան դեպքերին նվիրված քննարկման ժամանակ նման կարծիք հայտնեց իրավապաշտպան Նինա Կարապետյանցը:
«Մենք ամեն անգամ իրավիճակային լուծումներ ենք տալիս: Այն, որ բանակում վիճակը վատ է եղել, պարզ էր տարիներ շարունակ՝ ինչքան էլ չընդունեն մեր բանակի բարձրաստիճան պաշտոնյաները, ինչքան էլ հորդորեն մեզ չխոսել բանակում տեղի ունեցող իրադարձությունների մասին, ինչքան էլ դատախազությունն ու իրավապահ մարմինները բարձր ցուցանիշներ ցույց տան գործերի բացահայտման հետ կապված, փաստը մնում է փաստ. մենք ամեն տարի բանակում զգալի թվով մահեր ենք ունենում, և դրանց մի մասը տեղի է ունենում շատ անհասկանալի պայմաններում»,- նշեց իրավապաշտպանը:
Նինա Կարապետյանցի խոսքով՝ այդ սպանություններն ու ինքնասպանությունները կանխելուն ուղղված որևէ իրական գործողություն չկա:
«Ես հասկանում եմ պարոն Փաշինյանին, ինքը պետք է հիմնվի այն պաշտոնատար անձանց զեկույցների վրա, որոնց ինքը վստահում է: Հիմա հարցն այն է՝ ինչ են նրան զեկուցում: Շատ կարևոր է, թե ովքեր են նրան զեկուցում: Մի անգամ հանդիպում չկազմակերպվեց՝ ալտերնատիվ տեսակետ լսելու համար»,- ասաց նա:
Մանրամասները՝ տեսանյութում:
