04.08.2026 | 23:29
Չժաո Լեցզին շնորհավորել է Ռուբեն Ռուբինյանին ԱԺ նախագահ ընտրվելու կապակցությամբ
Ալիևը իր մտածելակերպով մնացել է 19-րդ դարում. Փաշինյանը չմտավ այդ ոճի մեջ. Ռուբեն Ռուբինյան. ՏԵՍԱՆՅՈՒԹ
Քաղաքականություն
17.02.2020 | 14:39
ՀՀ Ազգային ժողովի արտաքին հարաբերությունների մշտական հանձնաժողովի նախագահ, իշխանական «Իմ քայլը» խմբակցության պատգամավոր Ռուբեն Ռուբինյանը դրական է գնահատում Գերմանիայում կայացած Ալիև-Փաշինյան հանդիպումը:
«Սա վկայում է, որ շփումները շարունակվում են, իսկ եթե շփումները շարունակվում են, դա կնպաստի նրան, որ լարվածության աճ չլինի: Առաջին անգամ բոլորն ուղիղ եթերում տեսան, թե ինչ է քննարկվում, և ես կարծում եմ, որ դա կարևոր է: Վարչապետ Փաշինյանի պահվածքը գնահատում եմ դրական: Նա կարողացավ տեղ հասցնել բոլոր այն մեսիջները, որը ցանկանում էր»,- ասաց Ռուբեն Ռուբինյանը:
Դիտարկմանը, որ որոշ փորձագիտական շրջանակներ հանդիպումը համարեցին ձախողված, քանի որ երկու երկրների ղեկավարները, հակամարտության կարգավորման ուղիներ փնտրելու փոխարեն, գնացին անցյալ, Ռուբեն Ռուբինյանն արձագանքեց. «Համաձայն եմ Ալիևի մասով: Նա ցույց տվեց, որ իր մտածելակերպով մնացել է 19-րդ դարում: Նա խոսքը սկսեց պատմությունից, քանի որ իր փաստարկը պատմական էր և, ընդ որում, կեղծ պատմական: Վարչապետը չմտավ այդ ոճի մեջ, ի տարբերություն Ալիևի՝ նա խոսում էր ներկայի և ապագայի մասին»:
Մանրամասները՝ տեսանյութում:
Նարեկ Կիրակոսյան
