07.08.2026 | 11:45
ԵԱՏՄ անդամ պետությունների փոխգործակցությունը երրորդ գործընկերների հետ չպետք է ընկալվի որպես զրոյական գումարով խաղ․ վարչապետ
«Էրեբունի պլազա» ներխուժած տղամարդը տեղափոխվել է հոգեբուժարան՝ դատահոգեբանական փորձաքննության
Հասարակություն
17.02.2020 | 13:56
Հունվարի 23-ին «Էրեբունի պլազա» ներխուժած Արթուր Թորոսյանը, դատարանի որոշմամբ, տեղափոխվել է հոգեբուժարան՝ ստացիոնար դատահոգեբանական փորձաքննություն անցնելու:
Այս մասին Factor.am-ին հայտնեց ՀՀ քննչական կոմիտեի տեղեկատվության և հասարակայնության հետ կապերի բաժնի պետ Արամ Ավետիսյանը:
Արթուր Թորոսյանի պաշտպան Էդուարդ Աղաջանյանն էլ Factor.am-ի հետ զրույցում նշեց, որ տղամարդը շարունակում է մեղադրյալի կարգավիճակ ունենալ։ «Եթե տվեցին մեղսունակ կամ սահմանափակ մեղսունակ, ապա գործը կշարունակվի սովորական հունով, ընդհանուր կարգով։ Իսկ եթե փորձաքննությամբ ճանաչվեց անմեղսունակ և որոշվեց, որ նա տառապում է որևէ հոգեկան հիվանդությամբ, ինչը նրան զրկում է իր գործողությունները ղեկավարելուց, ապա կազատվի քրեական պատասխանատվությունից, և առաջ կգա հարկադիր բուժման խնդիրը։ Դա էլ առանձին, հատուկ դատական ընթացակարգ է»,- ասաց Արթուր Թորոսյանի պաշտպանը։
Հիշեցնենք, որ հունվարի 23-ին Արթուր Թորոսյանը ներխուժել էր «Էրեբունի պլազա» և կրակոցներ հնչեցրել։ Ավելի ուշ՝ ոստիկանապետի պաշտոնակատար Արման Սարգսյանը բանակցել էր նրա հետ և իր ծառայողական մեքենայով հեռացրել տարածքից։ Արթուր Թորոսյանին առաջադրված է մեղադրանք՝ պատանդ վերցնելու և գույքը վնասելու հոդվածներով։
Մանրամասները՝ տեսանյութում։
Նելլի Մելքոնյան
