30.06.2026 | 22:04
Եվրոպայում շոգի նոր ալիք է սպասվում
«Արևը բոլորինն է». մեկնարկում է «Նռան հատիկ» մանկապատանեկան թատերական 17-րդ հանրապետական փառատոնը
Մշակույթ
25.10.2017 | 16:19
ՀՀ մշակույթի նախարարության աջակցությամբ և «Նախաբեմ» կրթամշակութային ասոցիացիա» հասարակական կազմակերպության նախաձեռնությամբ՝ ս. թ. հոկտեմբերի 30-ից նոյեմբերի 4-ը «Արևը բոլորինն է» խորագրրի ներքո կանցկացվի «Նռան հատիկ» մանկապատանեկան թատերական 17-րդ հանրապետական փառատոնը:
Փառատոնին մասնակցում է 40 թատերախումբ՝ 42 ներկայացումով: Այս տարի փառատոնին կմիանան 12 թատերախմբեր՝ Գեղարքունիքի (4), Լոռու (2), Արմավիրի (2), Արարատի (2), Տավուշի (1) մարզերից և Երևանից (1):
Փառատոնը կմեկնարկի հոկտեմբերի 30-ին, ժամը 11:00-ին, Հովհաննես Թումանյանի անվան պետական տիկնիկային թատրոնում:
Հոկտեմբերի 26-ին, ժամը 11:00-ին, Ավետիք Իսահակյանի անվան կենտրոնական գրադարանում տեղի կունենա «Նռան հատիկ» փառատոնի մեկնարկին նվիրված ասուլիսը։ Կմասնակցեն «Նախաբեմ» կրթամշակութային ասոցիացիա» հասարակական կազմակերպության նախագահ Գ. Ղազարյանը, «Նռան հատիկ» հանրապետական մանկապատանեկան թատերական փառատոնի պատվավոր նախագահ և Իսահակյանի անվան գրադարանի տնօրեն Հ. Կարապետյանը, «Նռան հատիկ» հանրապետական մանկապատանեկան թատերական փառատոնի նախագահ Ա. Մանթաշյանը և ՀՀ մշակույթի նախարարության աշխատակազմի ժամանակակից արվեստի վարչության գլխավոր մասնագետ Ն. Հայրապետյանը:
