18.10.2026 | 15:12
Ֆրանսիայում ցուցարարները հրկիզել են Լիմոժի քաղաքապետարանի պատմական շենքը
Ներիշխանական պայքարի փուլերում, կարծում եմ, Ադրբեջանը զերծ կմնա որևէ էսկալացիայից․Տաթևիկ Հայրապետյան. ՏԵՍԱՆՅՈՒԹ
Քաղաքականություն
14.02.2020 | 12:55
«Փետրվարի 9-ին Ադրբեջանում տեղի ունեցան արտահերթ խորհրդարանական ընտրություններ, որի գլխավոր նպատակն էր երիտասարդացնել խորհրդարանը։ Բավականին կեղծված ընտրություններ էին, ծեծ ու ջարդով, նախընտրական, ընտրական, թե հետընտրական շրջանում»,- այս մասին ԱԺ-ում ճեպազրույցների ժամանակ ասաց «Իմ քայլը» խմբակցության պատգամավոր Տաթևիկ Հայրապետյանը։
Նա նկատեց, որ ըստ էության՝ իշխող ընտանիքը չկարողացավ հասնել իր համար ցանկալի պատկերի ձևավորմանն Ադրբեջանի խորհրդարանում։ «Եվ այժմ Ադրբեջանի ԿԸՀ-ն զբաղված է մանդատներ հետ վերցնելով այն պատգամավորներից, որոնք անցել են խորհրդարան։ Այսինքն՝ կեղծել էին, բայց իրենց ուզած պատկերը չէին ստացել։ Ըստ էության՝ ադրբեջանական ավտորիտարիզմը լուրջ ճաքեր է տալիս այս առումով, և ոչ թե ճաքեր է տալիս ընդդիմադիր գործիչների գործունեության արդյունքում, այլ հենց ներիշխանական, ներկլանային փոխդասավորումների արդյունքում։ Այս պրոցեսները շատ կարևոր են, որովհետև դրանք անմիջականորեն կապվում են Ղարաբաղի թե՛ բանակցային գործընթացի, թե՛ ընդհանուր զարգացումների հետ։ Ներիշխանական պայքարի փուլերում, կարծում եմ, Ադրբեջանը զերծ կմնա որևէ էսկալացիայից, ավելին՝ ինձ համար շատ հետաքրքրական էր, որ ղարաբաղյան հարցն այս անգամ, ըստ էության, վերջին շրջանում առաջին անգամ որպես այդպիսին դուրս մնաց նախընտրական քարոզարշավից, առանձնակի քննարկումների չարժանացավ»,- նշեց նա։
Մանրամասները՝ տեսանյութում։
