09.10.2026 | 11:53
Հայ ծանրորդների մրցելույթների ժամանակացույցը երիտասարդական ու Մ-23 ԵԱ-ում
Կացնահարված տղամարդը պատմում է, թե ինչպես է փեսան սպանել իր կնոջը
Հասարակություն
13.02.2020 | 16:53
Երևանի ընդհանուր իրավասության դատարանի Շենգավիթի նստավայրում ընթանում է նախկին կնոջը և նրա ընտանիքի անդամներին կացնահարած Վլադիկ Մարտիրոսյանի գործով դատական նիստը:
Մեղադրողը դատարանից պահանջել է Մարտիրոսյանին դատապարտել 18 տարվա ազատազրկման: Տուժողների ներկայացուցիչ Ինեսսա Պետրոսյանը դատարանին ասաց, որ ամբաստանյալի պնդումները, թե ինքը ցանկացել է տեսակցել իր երեխային և նման քայլի է գնացել, քանի որ իրեն փորձել են զրկել երեխայից, իրական չեն: Պետրոսյանն ասաց՝ ամբաստանյալը պետք է խիստ պատժի ենթարկվի, նա նախապես ծրագրել է երեքի սպանությունն էլ և երեխայի մասին բացարձակ չի մտածել:
Դատարանում խոսեց նաև կացնահարված Վաչագան Մանսուրյանը, որը մանրամասն պատմում էր, թե ինչպես է եղել իր, իր դստեր և կնոջ նկատմամբ բռնությունը:
«Աղջիկս արնաշաղախ պառկած էր, ինքն էլ կացնահարում էր կնոջս»,- ասաց տղամարդը:
2016 թվականի հուլիսի 8-ին Երևանի Սողոմոն Տարոնցի նրբանցքի 7-րդ շենքի շքամուտքի աստիճանների վրա տեղի ունեցած վիճաբանության ժամանակ Վլադիկ Մարտիրոսյանը կացնով բազմաթիվ հարվածներ էր հասցրել զոքանչին՝ Կարինե Մանսուրյանին, կնոջը՝ Թագուհի Մանսուրյանին, և աներոջը՝ Վաչագան Մանսուրյանին: Արդյունքում 64-ամյա Կարինե Մանսուրյանը մահացել էր, իսկ հայր ու դուստր մարմնական ծանր վնասվածքներով տեղափոխվել էին հիվանդանոց:
Մանրամասները՝ տեսանյութում:
Լիլիթ Շաբոյան
