09.10.2026 | 11:53
Հայ ծանրորդների մրցելույթների ժամանակացույցը երիտասարդական ու Մ-23 ԵԱ-ում
Վանեցյանն ընդդեմ «Հայկական ժամանակի» գործը մակագրվել է Աննա Փիլոսյանին
Հասարակություն
12.02.2020 | 17:04
ԱԱԾ նախկին տնօրեն Արթուր Վանեցյանի հայցադիմումն ընդդեմ «Հայկական ժամանակի» մակագրվել է Երևանի ընդհանուր իրավասության դատարանի դատավոր Աննա Փիլոսյանին։
Տեղեկությունը Factor.am-ի հետ զրույցում հաստատեցին դատավորի աշխատակազմից։ Արթուր Վանեցյանը գտնում է, որ «Հայկական Ժամանակ» -ի կայքում հրապարակված «Պատիվ ունե՞մ, թե՞ պատիվ չունեմ, Միշիկը, Արթուրը, Արիկը» վերտառությամբ հոդվածում տեղ գտած փաստերը իրական չեն։ Նա պահանջում է հերքում և ոչ նյութական վնասի փոխհատուցում։
Հոդվածում մասնավորապես գրված է․ «Վարչապետ Նիկոլ Փաշինյանի ընտանիքի անդամների, մասնավորապես կնոջ` Աննա Հակոբյանի և դստեր` Մարիամ Փաշինյանի դեմ քարոզչական արշավը, որ իրականացնում են մի քանի կոնկրետ լրատվամիջոցներ, համակարգվում և ներշնչվում է ԱԱԾ նախկին տնօրեն Արթուր Վանեցյանի կողմից: Ընդ որում, հիմքեր կան մտածելու, որ այդ հակաքարոզչությունը նաև վճարվում է Վանեցյանի կողմից»:
Իսկ Արթուր Վանեցյանը հոդվածի հրապարակումից հետո գրել էր․ ««Տղամարդկային արժանապատվությունիցս ցածր է իջնել այդ մակարդակի: Ընտանիքն ինձ համար սրբություն է, իսկ այլոց վարկաբեկելու համար սեփական ընտանիքն օգտագործելու փորձերը` անընդունելի»։
Դատական նիստի օրը դեռ հայտնի չէ։
Լիլիթ Շաբոյան
