15.12.2025 | 09:31
Երևանի քաղաքապետարանի գործակարգավարական նիստը. ՈՒՂԻՂ
Տնտեսական հրաշք. ինչպես Հայաստանը շրջանցեց ՌԴ-ին. Gazeta-ի անդրադարձը
Տնտեսություն
11.02.2020 | 15:22
Եվրասիական միության անդամ պետություններն ամփոփել են տնտեսական նախնական ցուցանիշները: ԵՏՄ անդամ բոլոր երկրներում՝ ՌԴ-ում, Ղազախստանում, Բելառուսում, Հայաստանում և Ղրղզստանում, աճ է գրանցվել: Այս մասին գրում է Gazeta.ru-ն:
Սակայն, հրապարակման համաձայն, ՀՆԱ-ի աճի տարբերությունը շոկային է: Այս առումով բացարձակ առաջատարը Հայաստանն է: 2019 թվականի 9 ամիսների արդյունքներով՝ երկրի տնտեսական աճը, նախորդ տարվա նույն ժամանակահատվածի համեմատ, կազմել է 7.5%, իսկ ընդհանուր տարվա արդյունքներով 7.9% աճ է կանխատեսվում: Հոդվածի համաձայն՝ սա ծանրակշիռ արդյունք է ո՛չ միայն եվրասիական գործընկերների շրջանում. Հայաստանը կարող է լավագույնը լինել նաև սևծովյան տարածաշրջանում՝ առաջ անցնելով Վրաստանից, Թուրքիայից, Բուլղարիայից, Ռումինիայից, Մոլդոդվայից, Ուկրաինայից և այլ երկրներից:
Առևտրի և զարգացման սևծովյան բանկի նախագահ Դմիտրի Պանկինը նշում է, որ Հայաստանում արվող դրական քայլերը, այդ թվում՝ կոռուպցիայի դեմ պայքարը, բիզնեսի համար խաղի հասկանալի կանոնների ստեղծումը, թափանցիկ բանկային համակարգը, դրական են ազդում ներդրողների ծրագրերի վրա:
«Ինչի՞ հաշվին տեղի ունեցավ «հայկական տնտեսական հրաշքը»»,- հարցադրում է անում հոդվածագիրը՝ ընդգծելով, որ ո՛չ արդյունաբերության, ո՛չ առևտրի ոլորտում տպավորիչ հաջողություններ չեն արձանագրվել, իսկ շինարարության ոլորտում աճը նույնիսկ դանդաղել է՝ հասնելով 4.5%-ի:
Հրապարակման համաձայն՝ նման առաջընթաց ապահովվել է տնտեսությունը «սպիտակեցնելու և ազատականացնելու»՝ իշխանությունների և հանրության ցանկության արդյունքում. վարչապետ Նիկոլ Փաշինյանն ու նոր խորհրդարանը Կոռուպցիայի կանխարգելման հանձնաժողով են ստեղծել և պաշտոնյաների եկամուտների ու ծախսերի իրական վերահսկողություն են կազմակերպել:
Նշվում է, որ 346 կոռուպցիոն սխեմաների բացահայտման արդյունքում բյուջե 105 մլն դոլար է վերադարձվել՝ 7 անգամ ավելի, քան վերջին 11 տարիներին:
Հրապարակումն ամբողջությամբ՝ սկզբնաղբյուր կայքում:
