30.04.2026 | 23:18
ՀՀ 4 քաղաքում մթնոլորտային օդում փոշու պարունակությունը գերազանցել է սահմանային թույլատրելի կոնցենտրացիան
Երևանի քաղաքապետը հունվար ամսվա 17 աշխատանքային օրվա համար 6 մլն 590 հազար դրամ պարգևավճար է տվել
Տնտեսություն
10.02.2020 | 20:58
Փետրվարի 1-ին Երևանի քաղաքապետարանում հերթական պարգևավճարներն են տրվել: Քաղաքապետ Հայկ Մարությանի որոշմամբ պարգևատրել են քաղաքապետարանի 22 աշխատակցի: 480 հազարական դրամներով պարգևատրվել են Երևանի քաղաքապետի տեղակալներ Հրաչյա Սարգսյանը, Հայկ Սարգսյանը, Տիգրան Վիրաբյանը, Սերգեյ Հարությունյանը, Երևանի գլխավոր ճարտարապետ Արթուր Մեսչյանը, աշխատակազմի ղեկավար Վահե Խաչատրյանը:
265 հազարական դրամներով պարգևատրվել են Անշարժ գույքի կառավարման վարչության պետի տեղակալ Վահան Խաչատրյանը, առողջապահության վարչության պետ Կամսար Բաբինյանը, առևտրի և սպասարկումների վարչության պետ Հովիկ Սաֆարյանը, տեղեկատվության և հասարակայնության հետ կապերի վարչության պետ Իոսիֆ Կուբատյանը, հանրակրթության վարչության պետ Աննա Ստեփանյանը, քաղաքաշինության և հողի վերահսկողության վարչության պետ Ռոբերտ Դարբինյանը, մշակույթի և տուրիզմի վարչության պետ Գոշ Սարգսյանը, ֆինանսական վարչության պետ Վիլեն Արևշատյանը, կազմակերպական վարչության պետ Արմինե Վարդանյանը, վերահսկողության վարչության պետ Արթուր Ավետիսյանը, հասարակական կարգի պահպանության ծառայության պետ Արամ Գյուզալդյանը, արտաքին ձևավորման և գովազդի վարչության պետ Գարեգին Խաչատրյանը, եկամուտների հաշվառման և գանձման վարչության պետ Արմեն Հարությունյանը, գնումների վարչության պետ Էդգար Կիրակոսյանը:
Ընդհանուր գումարը կազմել է 6մլն 590 հազար դրամ:
Ի դեպ, նշենք, որ այս պարգևավճարները տրվել են հունվար ամսվա համար, իսկ հունվարին աշխատանքային է եղել ընդամենը 17 օր:
Նարեկ Կիրակոսյան
