13.03.2026 | 15:54
Յոհանես Կլեբոն ուղեղի ցնցում է ստացել
«Աշխարհը լի է գույներով և նրբերանգներով»․ Վանեցյանի 50 երանգները
Քաղաքականություն
10.02.2020 | 15:52
«Հայաստանի իշխանության ղեկին այսօր շատ կան այն մարդկանցից, որոնք նախկինում որպես ընդդիմություն ագրեսիվ կերպով հանդես էին գալիս հակառուսական դիրքորոշմամբ, ընդհուպ ԱԺ-ում անձամբ Նիկոլ Փաշինյանի կողմից Հայաստանի` ԵՏՄ-ից դուրս գալու մասին օրինագիծ ներկայացնելով: Նրանք հայտարարում էին, որ ԵՏՄ-ն սպառնալիք է Հայաստանի ինքնիշխանությանը: Այսօր նույն այդ մարդիկ ամեն հարմար առիթ օգտագործում են, որպեսզի ընդգծեն ԵՏՄ-ին Հայաստանի անդամակցության կարևորությունը»,- այս մասին ասել է ՀՀ Ազգային անվտանգության ծառայության նախկին տնօրեն Արթուր Վանեցյանը՝ ռուսական «Ինտերֆաքս» գործակալությանը տված հարցազրույցում։
Խոսելով իր կողմից ստեղծվելիք կուսակցության մասին՝ Վանեցյանը նշել է․ «Նոր քաղաքական ուժը լինելու է կենտրոնամետ-աջ ուժ, իսկ գաղափարախոսության ու ծրագրերի հիմքում կմիահյուսվեն ավանդույթներն ու առաջընթացը: Այժմ լայն խորհրդակցությունների գործընթացում ենք՝ մեր համախոհների և հնարավոր գործընկերների հետ»։
Վանեցյանը հավելել է, որ նոր ձևավորելիք կուսակցությունը հանդես է գալու որպես ընդդիմություն Նիկոլ Փաշինյանի կառավարությանը: ԱԱԾ նախկին ղեկավարի ներկայացմամբ՝ «թավշյա հեղափոխության օրերին Հայաստանում մարդիկ ցանկանում էին արդարություն, կենսամակարդակի բարձրացում, որակյալ ծառայություններ կրթության, առողջապահության, սոցիալական ոլորտներում», սակայն, ըստ նրա, «ինշխանությունը խոստացել է ու չի արել»:
Վանեցյանը համոզմունք է հայտնել, որ վերադարձ անցյալին չի լինելու, սակայն նաև դեմ է արտահայտվել սև-սպիտակ սահմանազատմանը: «Այս պոստուլատն այսօր, ինչպես երևում է, հարմար կանոն է դարձել գործող իշխանության համար, ինչն անթույլատրելի է։ Իմ խորին համոզմամբ` այսօրվա Հայաստանում ծայրահեղականության ու ծայրահեղությունների համար տեղ պետք է չլինի: Սև-սպիտակ քաղաքական դաշտին այլընտրանք կա, աշխարհն իրականում լի է գույներով և տասնյակ նրբերանգներով։ Եվ մենք մտադիր ենք մեր ուրույն տեղն ունենալ ընդհանուր քաղաքական գունապնակում»,- նշել է ԱԱԾ նախկին ղեկավարը։
