15.01.2026 | 23:35
Ավարտվել է ՀՀ շախմատի առաջնությունների 3-րդ խաղափուլը․ Զավեն Անդրիասյանը միանձնյա առաջատար է
Հարավային Կովկասում ստատուս-քվոյի պահպանումը շահավետ է խոշոր խաղացողների համար․ Ռուբեն Սաֆրաստյան. ՏԵՍԱՆՅՈՒԹ
Քաղաքականություն
07.02.2020 | 14:31
Մերձավոր Արևելքում տեղի ունեցող իրադարձությունները, որոնք գրավում են աշխարհի կարևոր պետությունների, ուժային կենտրոնների ուշադրությունը, հանգեցնում են նրան, որ Հարավային Կովկասի տարածաշրջանում ստատուս-քվոյի պահպանումը շարունակում է շահավետ մնալ խոշոր խաղացողների համար: Այսօր լրագրողների հետ հանդիպմանը նման կարծիք հայտնեց ՀՀ ԳԱԱ Արևելագիտության ինստիտուտի տնօրեն, թուրքագետ Ռուբեն Սաֆրաստյանը:
Նա հավելեց, որ տարածաշրջանում որևէ աշխարհաքաղաքական նպատակով սրացման վտանգ չի տեսնում:
«Իհարկե՝ երբեք չի կարելի բացառել Ադրբեջանի կողմից որևիցե ագրեսիվ գործողություն, այդ թվում՝ նաև լայնածավալ, բայց աշխարհաքաղաքական իրադրությունը դրան չի նպաստում: Ասելով աշխարհաքաղաքական իրադրություն՝ ես նկատի ունեմ, առաջին հերթին, Թուրքիային, որովհետև Թուրքիան իր աշխարհաքաղաքական նպատակներին հասնելու համար կարող է Ադրբեջանին դրդել նոր լայնածավալ ռազմական գործողություններ սկսել Արցախի դեմ»,- ասաց նա:
Սակայն Թուրքիան, ըստ արևելագետի, ներգրավված լինելով Սիրիայում, հիմա էլ իր ագրեսիվ պոտենցիալը տեղափոխելով Լիբիա՝ ժամանակ չի գտնի Ադրբեջանով զբաղվելու:
Մանրամասները՝ տեսանյութում:
