04.08.2026 | 23:29
Չժաո Լեցզին շնորհավորել է Ռուբեն Ռուբինյանին ԱԺ նախագահ ընտրվելու կապակցությամբ
ԵԽԽՎ-ում կոչ են անում Սահմանադրական փոփոխությունների նախագծի վերաբերյալ դիմել Վենետիկի հանձնաժողով ու կարծիք ստանալ
Քաղաքականություն
06.02.2020 | 19:14
ԵԽԽՎ Հայաստանի հարցով համազեկուցողները քիչ առաջ հայտարարություն են տարածել, որով կոչ են անում Հայաստանի իշխանություններին Սահմանադրական փոփոխությունների նախագիծը ներկայացնել Վենետիկի հանձնաժողով՝ հրատապ գործընթացի միջոցով կարծիք ստանալու համար: Այս մասին տեղեկանում ենք ԵԽԽՎ կայքից:
«Հայաստանի խորհրդարանը որոշեց փետրվարի 6-ին արտահերթ նիստ անցկացնել՝ քննարկելու մի շարք փոփոխություններ, որոնք կհեռացնեն Սահմանադրական դատարանի կողմից օրենսդրական նախագծի համապատասխանությունը ստուգելու սահմանադրական պահանջը: Ի թիվս այլ փոփոխությունների, սա կփոխի նաև Սահմանադրության վերանայման ընթացակարգը: Բացի այդ, ներկայացվել է սահմանադրական փոփոխության նախագիծ, որը, կարծես, նպատակ ունի անհապաղ դադարեցնել գործող Սահմանադրական դատարանի մի քանի անդամների պաշտոնավարումը։
Այս երկու թեմաները կարևոր են, և առաջարկվող փոփոխությունները կարող են երկարաժամկետ հետևանքներ ունենալ գործող սահմանադրական ինստիտուտների գործունեության համար: Այս համատեքստում, հաշվի առնելով թեմայի շուրջ ներկայացված մի շարք հարցեր, կոչ ենք անում Հայաստանի իշխանություններին Սահմանադրական փոփոխությունների նախագիծը հնարավորինս շուտ ներկայացնել Վենետիկի հանձնաժողով՝ Եվրախորհրդի սահմանադրական իրավունքի փորձագիտական մարմին։ Մենք գտնում ենք, որ հրատապ գործընթացի միջոցով ձևավորված այդ կարծիքը արժեքավոր կլինի բոլոր շահագրգիռ կողմերի համար, այդ թվում՝ հայ ընտրողների համար, եթե հանրաքվե անցկացվի»,- նշվում է ԵԽԽՎ համազեկուցողների հայտարարության մեջ։
Նելլի Մելքոնյան
