10.10.2026 | 13:51
Ավինյանը շնորհավորել է Երևանի տոնը՝ կոչ անելով երևանցիներին դուրս գալ քաղաք և մասնակցել տոնակատարություններին
ՍԴ այս կազմից ազատվելու պատճառը կարող է լինել Ղարաբաղի հարցով հանրաքվեի անցկացման պահանջը. քաղտեխնոլոգ. ՏԵՍԱՆՅՈՒԹ
Քաղաքականություն
06.02.2020 | 19:04
Իշխանություններն ուզում են ունենալ Սահմանադրական դատարանի՝ իրենց ցանկալի կազմը: Այս մասին Factot TV-ի եթերում հայտարարեց քաղտեխնոլոգ Արմեն Բադալյանը:
«Սա է հարցը՝ ինչո՞ւ, քանի որ ՍԴ-ում բացարձակապես ճգնաժամ չկա, սակայն իշխանությունները հակառակն են պնդում: Ճգնաժամ լինում է այն դեպքում, երբ տվյալ կառույցը չի կարողանում կատարել իր գործառույթները: Իշխանությունները որևէ հիմնավորում չունեն, նրանց հիմնավորումն այն է, որ այս կազմը նշանակվել է նախկինների կողմից»,- ասաց նա:
Անդրադառնալով հարցին, թե ինչո՞ւ են իշխանությունները ցանկանում ազատվել ՍԴ այս կազմից, արդյո՞ք այն ինչ-որ առումով վտանգ ներկայացնում է Նիկոլ Փաշինյանի իշխանության համար՝ քաղտեխնոլոգը բացասական պատասխան տվեց:
«Ի՞նչն է ստիպում վարչապետին օր առաջ ազատվել ՍԴ այս կազմից: Սա տարօրինակ է, իշխանությունները պատճառաբանություններ են բերում, որոնք իրականությանը չեն համապատասխանում: Այստեղ կարող է առաջանալ հարց՝ արդյո՞ք սա կապ ունի երկրորդ նախագահի գործի հետ, քանի որ շուտով Վենետիկի հանձնաժողովից և ՄԻԵԴ-ից գալու են պատասխանները: Միգուցե Ղարաբաղի հետ կապված հարց է, որովհետև վարչապետը նշեց, որ Արցախի հարցը պետք է լուծվի ՀՀ քաղաքացիների հավանությամբ, իսկ հավանության համար անհրաժեշտ է հանրաքվե, որն առնչվում է ՍԴ-ի հետ: Վարչապետի առջև շատ խիստ պահանջ է դրված՝ փոխել ՍԴ կազմը»,- նշեց նա:
Հարցազրույցն ամբողջությամբ՝ տեսանյութում:
Նարեկ Կիրակոսյան
