19.12.2025 | 23:33
ԱՄՆ-ի, Ռուսաստանի և Ուկրաինայի բանակցությունների նոր փուլը տեղի կունենա ԱՄՆ-ում առաջիկա օրերին
Չնայած պատժամիջոցներին՝ Երևանը կամրապնդի փոխգործակցությունը Թեհրանի հետ. Իրանում ՀՀ դեսպան
Քաղաքականություն
06.02.2020 | 11:57
Երևանը մտադիր է զարգացնել համագործակցությունը Թեհրանի հետ՝ Իրանի դեմ ԱՄՆ կոշտ պատժամիջոցների պայմաններում: ԻՌՆԱ-ի փոխանցմամբ՝ այս մասին Քերման նահանգի ղեկավարի հետ հանդիպման ժամանակ ասել է Իրանում ՀՀ դեսպան Արտաշես Թումանյանը:
«Այս պայմաններում, երբ ԱՄՆ պատժամիջոցների պատճառով ներդրողները հրաժարվում են Իրանի հետ համագործակցությունից, Հայաստանն ու Իրանը կարող են բազմաթիվ ուղղություններով զարգացնել փոխգործակցությունը»,- ասել է դեսպանը:
Նրա խոսքով՝ Իրանի և Հայաստանի հարաբերությունները միշտ բարեկամական են եղել, և հայկական կողմը ցանկանում է, որպեսզի դրանք ավելի ամրապնդվեն ու զարգանան:
Աղբյուրի փոխանցմամբ՝ Արտաշես Թումանյանը հիշեցրել է նաև, որ ԵՏՄ-ի հետ Իրանի ազատ առևտրի գոտու մասին ժամանակավոր համաձայնագիրը լավ հնարավորություն է՝ Թեհրանի և Երևանի համագործակցությունն ընդլայնելու համար:
