09.10.2026 | 10:39
Թրամփը հայտարարել է, որ ԱՄՆ-ը մինչև նոյեմբերին կայանալիք միջանկյալ ընտրությունները չի հարձակվի Իրանի վրա
«Սասնա ծռերի» գործով պաշտպանը ցանկանում է դիմել ՍԴ
Հասարակություն
05.02.2020 | 12:23
«Սասնա ծռեր» խմբի տասն անդամների գործով դատաքննության փուլը մոտենում է ավարտին: Այսօրվա դատական նիստում դատավոր Մեսրոպ Մակյանն ասաց, որ նախկինում ամբաստանյալ Սմբատ Բարսեղյանի նախկին պաշտպան Հայկ Ալումյանը դատարան էր դիմել միջնորդությամբ, որպեսզի քրեական օրենսգրքի ութերորդ հոդվածը (արարքի հանցավորությունը բացառող հանգամանքը) ուղարկվի ՍԴ՝ դրա որոշակիության հարցը ճշտելու համար:
Դատարանը հետաքրքրվեց, թե արդյոք Բարսեղյանը շարունակում է պնդել, որ այս միջնորդությունը պետք է քննարկման առարկա դառնա, ինչին Բարսեղյանը դրական պատասխան տվեց:
Նրա ներկայիս պաշտպան Տիգրան Եգորյանն էլ ասաց, որ ինքը ևս նման միջնորդություն է պատրաստվում ներկայացնել և գտնում է, որ այն պետք է քննության առարկա դառնա:
Մեղադրող դատախազ Պետրոս Պետրոսյանն ասաց, որ միջնորդությունը որևէ կերպ հիմնավորված չէ, անհիմն է և ենթակա է մերժման:
Դատարանը հեռացավ խորհրդակցական սենյակ որոշում կայացնելու:
Դատարանը վերադառնալով խորհրդակցական սենյակից հայտնեց, որ մերժում է միջնորդությունը:
Լիլիթ Շաբոյան
