09.10.2026 | 23:47
Վրաստանում սպանության համար հետախուզվող է հայտնաբերվել. ՀՀ և Վրաստանի ՆԳՆ-ների համագործակցության արդյունքը
Եթե ուզում ենք ՀՀԿ-ի հետ գործակցածների հարցը լուծել, Թովմասյանով չպետք է ավարտվի. Տարոն Սիմոնյան. ՏԵՍԱՆՅՈՒԹ
Քաղաքականություն
31.01.2020 | 16:00
Իրավունքի ոգուց չի բխում առանց հանրաքվեի սահմանադրական փոփոխություններ անելը։ Այդ մասին այսօր Factor.am-ի հետ զրույցում ասաց ԱԺ «Լուսավոր Հայաստան» խմբակցության պատգամավոր Տարոն Սիմոնյանը՝ խոսելով իմքայլական պատգամավոր Վահագն Հովակիմյանի կողմից մշակված օրենքի նախագծի մասին։
Ըստ այդմ, նախատեսվում է, որ սահմանադրական փոփոխությունները կարող են հաստատվել՝ առանց Սահմանադրական դատարան դիմելու։
Նախագծում նշված է, որ եթե ՍԴ-ն հավանություն չի տալիս սահմանադրական փոփոխությունների տեքստին, հարցի քննարկումը պետք է շարունակել, և Սահմանադրության փոփոխությունների նախագիծը հանրաքվեի դնելու մասին Ազգային ժողովի որոշման նախագիծն ընդունել պատգամավորների ընդհանուր թվի ձայների առնվազն երկու երրորդով։
Սիմոնյանը շեշտեց նաև, որ իրավունքի ոգուց չի բխում՝ առանց հանրաքվեի սահմանադրական փոփոխություններ անելը։ Եվ այս իրավիճակում, ըստ պատգամավորի՝ պարզ է դառնում, որ իշխանությունն անձերի խնդիր է ուզում լուծել՝ խոսելով ՍԴ նախագահ Հրայր Թովմասյանի հրաժարականի անհրաժեշտության մասին և փորձելով շրջանցել ՍԴ-ն՝ սահմանադրական փոփոխությունների ճանապարհին։ «Եթե ուզում ենք ՀՀԿ-ի հետ գործակցածների հարցը լուծել, Թովմասյանով չպետք է ավարտվի»,-շեշտեց Սիմոնյանը։
Մանրամասները՝ տեսանյութում:
Մերի Մարտիրոսյան
