23.02.2026 | 23:30
Ադրբեջանը նույնպես հետաքրքրություն է հայտնել Եվրոպական խաղաղության գործիքակազմի շրջանակներում օգնություն ստանալու հարցում
Ներկայացված միջնորդության մեջ հիմքեր չկան. դատախազը՝ Քոչարյանի պաշտպանների միջնորդության մասին. ՏԵՍԱՆՅՈՒԹ
Հասարակություն
31.01.2020 | 11:29
Վերաքննիչ քրեական դատարանում, դատավոր Արմեն Դանիելյանի նախագահությամբ ընթանում է ՀՀ երկրորդ նախագահ, Մարտի 1-ի գործով ամբաստանյալ Ռոբերտ Քոչարյանի պաշտպաններին Մարտի 1-ի ամբողջական նյութերի տրամադրման դեմ Դատախազության կողմից բերված բողոքի քննությունը։
Նախքան բողոքի բուն քննությունը պաշտպանական կողմը դատավորին ինքնաբացարկի միջնորդություն ներկայացրեց, որի դեմ առարկեց մեղադրող դատախազ Պետրոս Պետրոսյանը:
«Ըստ պաշտպանական կողմի, պատկերավոր ասած, կարելի է դատական նիստի ընթացքում դատարանին վիրավորել և հաջորդ քայլը լինի ինքնաբացարկի միջնորդություն ներկայացնելը, քանի որ եթե ես Ձեզ վիրավորեցի, ուրեմն Դուք արդեն ունեք իմ նկատմամբ կողմնակալ վերաբերմունք»,- ասաց դատախազը՝ պնդելով, որ ներկայացված ինքնաբացարկի միջնորդությունն անհիմն է և ենթակա է մերժման։
Դատավոր Արմեն Դանիելյանը հեռացավ խորհրդակցական սենյակ՝ իր նկատմամբ ներկայացրած ինքնաբացարկի միջնորդության վերաբերյալ որոշում կայացնելու։
Հաջորդ նիստը կկայանա փետրվարի 3-ին՝ ժամը 10:00-ին։
Մանրամասները՝ տեսանյութում։
Լիլիթ Շաբոյան
