19.05.2024 | 21:00
Եկեղեցի-պետություն բաժանման, թագավոր օծելու և քաղաքացիական կրոնի մասին. ապաքաղաքական զրույց Ստեփան Դանիելյանի հետ․ ՏԵՍԱՆՅՈՒԹ
Վաղը ԵՏՄ միջկառավարական խորհրդի նիստում հայկական կողմը պատրաստվում է վետո կիրառել
Քաղաքականություն
30.01.2020 | 15:38
Վաղը՝ հունվարի 31-ին, նախանշված է Եվրասիական միջկառավարական խորհրդի հերթական նիստը, որը կկայանա Ղազախստանի Ալմաթի քաղաքում։
Նիստի ընթացքում, ի թիվս այլ հարցերի, քննարկվելու է նաև փոստային առաքանիների՝ ծանրոցների, արտասահմանյան ինտերնետ խանութներից ծանրոցների անմաքսատուրք ներկրման շեմի նվազեցման հարցը։ Մասնավորապես՝ ըստ ռուսական լրատվամիջոցների, նախատեսված է 2020 թվականի հուլիսի 1-ից շեմը նվազեցնել 100 եվրոյի, 2021 թվականի հունվարի 1-ից՝ 50 եվրոյի և 2022 թվականի հունվարի 1-ից՝ 20 եվրոյի։
Այս նիստին վաղը մասնակցելու է նաև հայկական պատվիրակությունը:
Factor.am-ի տեղեկություններով՝ ՀՀ փոխվարչապետ Մհեր Գրիգորյանը պատրաստվում է վետո կիրառել և հարցը հանել օրակարգից:
Այս տեղեկությունների վերաբերյալ փորձեցինք մեկնաբանություն ստանալ Մհեր Գրիգորյանի գրասենյակից, սակայն գրասենյակի ղեկավարը մեր զանգերին չպատասխանեց:
Նարեկ Կիրակոսյան
