Հրայր Թովմասյանը տղամարդկությունը դրել էր տուփի մեջ՝ Արմեն Ռուստամյանի հայտնի խոսքերից հետո. Քրիստինե Պողոսյան. ՏԵՍԱՆՅՈՒԹ

«Սահմանադրական դատարանի խնդրի կարգավորումը կա, շուտով այդ մասին կիմանաք»,- այս մասին լրագրողների հետ զրույցի ժամանակ ասաց «Իմ քայլը» խմբակցության պատգամավոր Քրիստինե Պողոսյանը։

Նա նկատեց, որ երեկ ինքն իրեն ստիպել և լսել է Հրայր Թովմասյանի հարցազրույցը։

«Սկսվեց խոսքերով, որ ինքը սասունցի է։ Առաջին միտքը, որ մոտս առաջացավ՝ գրողը տանի, ես էլ եմ սասունցի, Դավիթ Տոնոյանն էլ է սասունցի։ Պարոն Թովմասյանը խոսում էր իր պատվից, արժանապատվությունից, որ ինքը դատի է տալու և նման մտքեր: Ակամայից հիշեցի 2014 թվականի փետրվարի 24-ը, երբ ԱԺ դահլիճում դաշնակցական Արմեն Ռուստամյանը տղամարդկության և բարոյականության հետ ընդհանրապես սահման չունեցող վիրավորանք հասցրեց Հրայր Թովմասյանին, ինչին ի պատասխան՝ Հրայր Թովմասյանը լռեց և բառ անգամ չխոսեց։ Այս պարագայում, ես կարծում եմ, որ Հրայր Թովմասյանն այն բազմաթիվ փաստաբանները, որոնք իրեն օգնում և խորհուրդ են տալիս, ինչի մասին ինքն ասաց, հուսով եմ՝ կդիմի այդ փաստաբանների օգնությանը, և նրանք հայցով կմտնեն դատարան՝ ընդդեմ Արմեն Ռուստամյանի։ Հայցով կմտնեն և կպահանջեն պատիվ։ Նույնիսկ վստահ եմ, որ Արմեն Ռուստամյանը կգա և դատարանի դահլիճում կկրկնի այն ամենը, ինչ ասել է։ Ուղղակի այստեղ մի հետաքրքիր պատկեր է առաջանում․ տեսեք, երբ որ 2014 թվականին վիրավորում էին, Արմեն Ռուստամյանն այդ բառերն ասում էր, Հրայր Թովմասյանը հավաքեց իր ողջ տղամարդկությունը, պահեց փոքրիկ տուփի մեջ»,- ասաց Քրիստինե Պողոսյանը։

Մանրամասները՝ տեսանյութում։