01.02.2026 | 18:27
Սաստիկ բքի և ցածր տեսանելիության պատճառով Վարդենյաց լեռնանցքը փակ է կցորդով տրանսպորտային միջոցների համար
ՊՎԾ-ն Պաշտպանության նախարարությունում ստուգումներ է սկսել
Հասարակություն
29.01.2020 | 20:29
Պետական վերահսկողական ծառայությունը ուսումնասիրություններ է սկսել Պաշտպանության նախարարությունում: Տեղեկությունը Factor.am-ի հետ զրույցում հաստատեց ՊՎԾ մամուլի խոսնակ Սեդա Աղբալյանը:
Նա մեզ հետ զրույցում տեղեկացրեց, որ ՊՎԾ-ն Պաշտպանության նախարարությունում իրականացնում է վառելանյութի ձեռքբերման, վառելանյութի բնական կորուստների փաստացի տվյալների, ինչպես նաև շվաքարանների կառուցման աշխատանքների օրինականության ուսումնասիրություն:
ՊՎԾ-ի ուշադրության կենտրոնում են հայտնվել նաև նախարարության գնումները:
Խոսքը վերաբերում է զինվորական և ծառայողական բնութագրերով կոշիկների և կիսաճտքավոր կոշիկների գնման գործընթացներին:
Ընթացքի մեջ է նաև ՀՀ պաշտպանության նախարարության «Զինառ» ՓԲԸ-ում իրականացվող ուսումնասիրությունը։ ՊՆ-ում ՊՎԾ-ն ստուգումները սկսել է նախորդ տարվա դեկտեմբերից: Նախատեսվում է այն ավարտել մեկ ամսից: Նշենք, որ իշխանափոխությունից հետո սա առաջին դեպքն է, երբ պաշտպանական գերատեսչությունում ստուգումներ են իրականացվում:
Նարեկ Կիրակոսյան
