27.08.2026 | 22:44
Վարորդական իրավունք ստանալու համար ուսուցումը կդառնա պարտադիր. ՆԳՆ-ն օրենքների նախագծերի փաթեթ է շրջանառության մեջ դրել
«Էրեբունի պլազա» ներխուժած տղամարդը ցանկացել է Սեդրակ Քոչարյանին հանդիպել
Հասարակություն
29.01.2020 | 17:56
Հունվարի 23-ին «Էրեբունի պլազա» ներխուժած և կրակոցներ արձակած 32-ամյա Արթուր Թորոսյանը ցանկացել է հանդիպել ՀՀ երկրորդ նախագահ Ռոբերտ Քոչարյանի ավագ որդու՝ Սեդրակ Քոչարյանի հետ։ Այս մասին Factor.am-ին հայտնեց Թորոսյանի պաշտպան Էդուարդ Աղաջանյանը։
«Ցանկացել է հանդիպել Սեդրակ Քոչարյանին, սակայն ընթացքում հրաժարվել է պահանջից և պատանդին ազատ արձակել։ Այդ մասին ոստիկանապետ Արման Սարգսյանին է ասել։ Հունվարի 25-ին էլ նման ցուցմունք է տվել»,- ասաց Թորոսյանի պաշտպանը։
Աղաջանյանը մեզ հետ զրույցում հայտնեց նաև, որ իր պաշտպանյալի նկատմամբ ընտրված խափանման միջոցը (կալանավորում) այսօր բողոքարկվել է։
Հիշեցնենք, որ հունվարի 23-ին Արթուր Թորոսյանը ներխուժել էր «Էրեբունի պլազա» և կրակոցներ հնչեցրել։ Ավելի ուշ՝ ոստիկանապետի պաշտոնակատար Արման Սարգսյանը բանակցել էր նրա հետ և իր ծառայողական մեքենայով հեռացրել տարածքից։
Նելլի Մելքոնյան
