Հասարակություն
29.01.2020 | 16:56
ՀՀ ԱԻՆ-ից տեղեկացնում են, որ հունվարի 29-ին ՀՀ արտակարգ իրավիճակների նախարարությունում կայացել է փրկարար ծառայության բժշկական ապահովման վարչության 2019 թվականի գործունեության արդյունքների ամփոփմանը նվիրված խորհրդակցություն, որը վարել է փրկարար ծառայության տնօրենի տեղակալ, փ/ծ գնդապետ Արմեն Գրիգորյանը:
«Փրկարար ծառայության տնօրենի տեղակալ Ա. Գրիգորյանը, ով համակարգում է վարչության աշխատանքները, շնորհակալություն հայտնեց բժշկական ապահովման վարչության ողջ անձնակազմին կատարված աշխատանքների համար և կարևորեց աշխատանքային կարգապահությունը և համազգեստի կրման կանոնների պահպանումը:
Բժշկական ապահովման վարչության պետ, փ/ծ գնդապետ Կարեն Աթոյանը հանդես եկավ զեկույցով` ամփոփելով 2019 թվականի գործունեության արդյունքները:
«Աղետների բժշկության կենտրոն» ՊՈԱԿ-ի կողմից հաշվետու ժամանակահատվածում իրականացվել են աշխատանքներ հետևյալ ուղղություններով`
ա) Բուժկանխարգելիչ աշխատանքներ
բ) Աղետների բժշկության և առաջին օգնության մասնագիտական պատրաստություն
գ) Օպերատիվ տակտիկական պատրաստություն
«Աղետների բժշկության կենտրոն» ՊՈԱԿ 2019 թվականի ընթացքում դիմել է 3338 հիվանդ (1918 փրկարար ծառայող, 13 քաղաքացիական ծառայող, 229 կենսաթոշակառու և 1178 ընտանիքի անդամ ), որից ստացիոնար հետազոտման և բուժման է ուղեգրվել 1395 հիվանդ (584 փրկարար ծառայող, 108 կենսաթոշակառու, 703 ընտանիքի անդամ):
Ռազմաբժշկական փորձաքննության է ենթարկվել Փրկարար ծառայություն ընդունվող 454 քաղաքացի: 911 հեռախոսահամարով 1824 քաղաքացու տրվել է բժշկական խորհրդատվություն:
Խորհրդակցության ընթացքում անդրադարձ կատարվեց վարչության գործունեության ընթացքում առաջացած խնդիրներին և ներկայացվեցին մի շարք առաջարկություններ աշխատաքներն էլ ավելի արդյունավետ կազմակերպելու նպատակով»,- ասված է հաղորդագրությունում:
