04.08.2026 | 23:29
Չժաո Լեցզին շնորհավորել է Ռուբեն Ռուբինյանին ԱԺ նախագահ ընտրվելու կապակցությամբ
5-րդ շարասյան ներկայացուցչից մինչև քաղաքական գործոն. քաղաքագետները՝ Վանեցյանի մասին. ՏԵՍԱՆՅՈՒԹ
Քաղաքականություն
27.01.2020 | 19:36
Հունվարի 26-ին ԱԱԾ նախկին տնօրեն Արթուր Վանեցյանը հերթական գրառումն արեց սոցիալական հարթակում. նա նշեց, որ Նիկոլ Փաշինյանի ասուլիսից և գրիչի պատմությունից հետո իշխող կուսակցությունը, ազգային անվտանգության նկատառումներից ելնելով, պետք է քննարկի իր շարքերից վարչապետի նոր թեկնածու առաջադրելու հարցը:
Քաղաքագետներն արձագանքում են Վանեցյանի խոսքերին:
Լևոն Շիրինյանը Factor.am-ի հետ զրույցում հայտարարությունը գնահատեց որպես կեղտոտ տեխնոլոգիա: Իսկ Կարեն Քոչարյանն ասաց, որ դա հետաքրքիր է այն տեսանկյունից, որ իշխող ուժն իր ներսից պետք է թեկնածու ընտրի: Քաղաքագետ Կարեն Քոչարյանն ասաց նաև՝ Արթուր Վանեցյանը ոչ թե նոր պետք է մուտք գործի քաղաքականություն, այլ արդեն հինգ ամիս է՝ քաղաքականության մեջ է:
Եթե Վանեցյանը ԱԱԾ տնօրեն է եղել, դա չի նշանակում, թե հետագա գործունեություն ծավալելու իրավունք չունի: Ըստ Քոչարյանի՝ այստեղ միայն մի հարց կա. «Եթե Վանեցյանը պետական գաղտնիք բացահայտի, բոլորից պատասխան կստանա»:
Քաղաքագետ Լևոն Շիրինյանն էլ կոշտ քայլերի կողմնակից է. հաշվի առնելով Վանեցյանի վերջին հայտարարությունները, պետք է կտրուկ քայլերի դիմել. «Վարչապետն Արթուր Վանեցյանից գեներալի ուսադիրները պետք է վերցնի»,-ասաց նա:
Մանրամասները՝ տեսանյութում:
Մերի Մարտիրոսյան
