24.04.2026 | 00:23
Սպերցյանի գոլն օգնել է «Կրասնոդարին» հաղթել «Սպարտակին»․ ՏԵՍԱՆՅՈՒԹ
«Խոստացել էի, որ ձեռնաշղթա չենք հագցնի» ոստիկանապետը՝ «Էրեբունի պլազա» ներխուժած տղամարդու մասին. ՏԵՍԱՆՅՈՒԹ
Հասարակություն
27.01.2020 | 20:16
Ամենակարևոր խնդիրը, որն այդ պահին դրված էր, լուծվեց։ Ականատես եղանք անարյուն հանգուցալուծման։ Այս մասին այսօր լրագրողների հետ զրույցում նշեց ՀՀ ոստիկանության պետի պաշտոնակատար Արման Սարգսյանը՝ անդրադառնալով հունվարի 23-ին «Էրեբունի պլազա» ներխուժած տղամարդու վնասազերծման դեպքին։
«Մեր թիվ մեկ խնդիրն առանց որևէ միջադեպի, առանց վիրավորի, առանց զոհի այդ մարդուն տվյալ տարածքից դուրս բերելն էր, ինչը, կարծում եմ, բոլորիս բախտից, բարեհաջող ավարտ ունեցավ։ Համացանցում հայտնվեցին կադրեր, որտեղ ես իրեն խոստանում էի, որ առանց ձեռնաշղթաների կտանենք։ Դա բանակցության պայմաններից մեկն էր։ Ենթադրում եմ, անկախ դիմացինի ով լինելու հանգամանքից, նաև տղամարդու խոսքը պիտի պահվի։ Ես այդ պահին առաջնորդվել եմ այդ տրամաբանությամբ։ Առհասարակ, խնդիր է դրված, որ ինքը որևէ մեկին վնաս չտա։ Ձեռնաշղթաներով կտեղափոխվեր, թե առանց, մեր վերջնանպատակն իրեն տեղափոխելն էր, ինչն իրականացվեց»,- ասաց Արման Սարգսյանը։
Մանրամասները՝ տեսանյութում։
Նելլի Մելքոնյան
