09.10.2026 | 23:47
Վրաստանում սպանության համար հետախուզվող է հայտնաբերվել. ՀՀ և Վրաստանի ՆԳՆ-ների համագործակցության արդյունքը
«Էրեբունի պլազա»-ում կրակոցներ արձակած տղամարդը հրաժարվել է առանց փաստաբանի ցուցմունք տալ
Հասարակություն
24.01.2020 | 15:35
Երեկ՝ «Էրեբունի պլազա»-ում կրակոցներ արձակած երիտասարդը հրաժարվել է ցուցմունք տալ։ Նա նշել է, որ ցուցմունք կտա միայն փաստաբանի ներկայությամբ։
Տեղեկությունը Factor.am-ի հետ զրույցում հաստատեց ՀՀ Քննչական կոմիտեի դեպարտամենտի տեղեկատվության և հասարակայնության հետ կապերի բաժնի պետ Նաիրա Հարությունյանը։
Նրա տեղեկացմամբ՝ քրգործում հանրային պաշտպան է ներգրավվել։
Հիշեցնենք, որ երեկ՝ 14։40-ի սահմաններում ահազանգ էր ստացվել, որ «Էրեբունի պլազա» հյուրանոցում զինված անձ կա, որը կրակում է։ Անմիջապես դեպքի վայր էին մեկնել ոստիկանության ղեկավար կազմն ու օպերատիվ խմբեր։ Ոստիկանության ղեկավար կազմը ոստիկանության պետի պաշտոնակատար Արման Սարգսյանի գլխավորությամբ բանակցություններ էր վարել զինված տղամարդու հետ, ինչից հետո անձը հանձնել էր հրազենը։ Տղամարդը ոստիկանության պետի պաշտոնակատարի ուղեկցությամբ, նրա ծառայողական մեքենայով, տեղափոխվել էր ոստիկանություն, ոտտեղ ձերբակալվել էր։ Ավելի ուշ հայտնի էր դարձել, որ միջադեպի առթիվ հարուցվել է քրեական գործ՝ ՀՀ քրեական օրենսգրքի 218-րդ հոդվածի 2 մասի 2-րդ 3-րդ և 7-րդ կետով, 235-րդ հոդվածի 1-ին մասի և 185-րդ հոդվածի 2-րդ մասի 1-ին կետի հատկանիշներով: ՀՀ ՔԿ նախագահ Հայկ Գրիգորյանի հանձնարարությամբ գործը քննվում է ՀՀ ՔԿ Երևան քաղաքի քննչական վարչության ծանր հանցագործությունների քննության բաժնում:
