28.03.2026 | 19:57
Սպասվում են տեղումներ. լեռնային գոտիներում՝ թաց ձյան, նախալեռնային և հովտային գոտիներում՝ անձրևի տեսքով
Քննիչները Հրայր Թովմասյանի տանն են, բայց խուզարկությունը չի սկսվել. պաշտպան. ՏԵՍԱՆՅՈՒԹ
Հասարակություն
24.01.2020 | 11:19
Արդեն տևական ժամանակ է՝ ՀՔԾ քննիչները և Ոստիկանության կազմակերպված հանցավորության դեմ պայքարի վարչության աշխատակիցները գտնվում են ՍԴ նախագահ Հրայր Թովմասյանի բնակարանում: Այս մասին լրագրողների հետ զրույցում ասաց Թովմասյանի փաստաբան Ամրամ Մակինյանը:
Նրա խոսքով՝ պետք է խուզարկություն կատարվի. դատարանի որոշում կա:
«Խուզարկությունը դեռևս չի սկսվել, քանի որ քննչական խմբի ղեկավարը խոչընդոտում է մեր իրավունքների՝ ամբողջ ծավալով իրականացմանը: Մասնավորապես, հնարավորություն չի տրվում ծանոթանալ դատարանի որոշմանը՝ պարոն Թովմասյանին և պաշտպանական խմբի անդամներից Միհրան Պողոսյանին: Սա աննախադեպ պրակտիկա է ՀՀ քրեական դատավարության մեջ, որ թույլ չի տրվում անձին որոշումը կարդալ»,- ասաց Ամրամ Մակինյանը:
Մանրամասները՝ տեսանյութում:
