06.03.2026 | 10:24
Թրամփը հայտարարել է, որ ցանկանում է ամբողջությամբ հեռացնել Իրանի ղեկավարությանը և «լավ առաջնորդի» դերի համար թեկնածուներ ունի
Կոնկրետ շահեր են այստեղ շոշափվում, որոնք առնչվում են նախկին իշխանությունների հետ․ Արման Բաբաջանյան. ՏԵՍԱՆՅՈՒԹ
Քաղաքականություն
24.01.2020 | 11:12
Ազգային ժողովում քննարկվում է «Էներգետիկայի մասին օրենքում փոփոխություններ և լրացումներ կատարելու մասին» հարցը։
Պատգամավոր Արման Բաբաջանյանը նկատեց, որ շատ նուրբ հարց է քննարկվում։
«Մենք բոլորս շատ լավ հասկանում ենք, որ կոնկրետ շահեր են այստեղ շոշափվում, որոնք առնչվում են նախկին իշխանությունների հետ և նրանց սպասարկող օլիգարխիկ շրջանակներին՝ կոնկրետ նրանց շահերին։ Եվ այստեղ, կարծում եմ, պետք է չափազանց ազատական լինեինք թե՛ հանքարդյունաբերողների մասով, թե՛ էներգետիկ ոլորտի մասով։ Առահասարակ, ինձ համար շարունակում է անհասկանալի մնալ այդ 10 տոկոսի շեմը»,- ասաց Բաբաջանյանը։
Նշենք, որ առաջարկվող փոփոխություններով նախատեսվում են նոր կարգավորումներ՝ իրական սեփականատերերի բացահայտման պահանջի ներդրման և չբացահայտման դեպքում պատասխանատվության միջոցների կիրառման հետ կապված հարաբերությունների վերաբերյալ: Նախագծի 1-ին հոդվածով իրական սեփականատերերի վերաբերյալ տեղեկություններ բովանդակող քաղվածքի հասկացությունից հետո սահմանվում է, որ քաղվածքում ներկայացվում են 10 տոկոսից ավելի մասնաբաժին ունեցող անձանց վերաբերյալ տեղեկությունները:
Մանրամասները՝ տեսանյութում։
Արմինե Ալոյան
