05.08.2026 | 22:58
Վրաստանում կրկին զանգվածային հոսանքազրկում է տեղի ունեցել
Գրառումով նպատակ ունեի Ռուբինյանի անլրջությունը ցույց տալու. Անի Սամսոնյան. ՏԵՍԱՆՅՈՒԹ
23.01.2020 | 18:35
Շնորհակալ եմ Ռուբինյանին՝ ինձ գովելու համար։ Factor.am-ի հետ զրույցում այս խոսքերն ասաց ԱԺ «Լուսավոր Հայաստան» խմբակցության պատգամավոր Անի Սամսոնյանը։
«Գրառումով նպատակ ունեի Ռուբեն Ռուբինյանի անլրջությունը ցույց տալու»,- շեշտեց պատգամավորը։
Հիշեցնենք, որ երեկ Սամսոնյանը ֆեյսբուքյան էջում դիմել էր իշխող ուժի պատգամավոր Ռուբեն Ռուբինյանին և ասել՝ երբ Էդմոն Մարուքյանը քո քաղաքական հոր հետ բանավիճում է, խորհուրդ կտամ մեջ չընկնել, այլ փակվել ձեր ամրոցում և շարունակել դիտել «Նիլսի հրաշալի ճամփորդությունը վայրի սագերի հետ» հեքիաթը:
Ռուբինյանն էլ պատասխանել էր, որ շատ է հավանում տիկին Սամսոնյանին. բարեկիրթ է, զուսպ, կոռեկտ և, ամենակարևորը, բարի և հավասարակշիռ։
Սամսոնյանը պատասխանեց նաև այն մեղադրանքներին, որ իրենք կարոտում են նախկին իշխանությանը՝ վստահեցնելով, որ իրենք չեն կարոտում նախկին իշխանությանը. այս իշխանությունը չի թողնում, որ որևէ մեկը կարոտի նախկիններին։
Մանրամասները՝ տեսանյութում:
Մերի Մարտիրոսյան
