13.12.2024 | 23:31
Գերմանիան հավանություն է տվել 2006թ․ ի վեր զենքի ամենամեծ արտահանմանը Թուրքիա
Ես ասեկոսեներ մեկնաբանելու իրավունք չունեմ. Վիկտոր Սողոմոնյանը՝ Քոչարյանի գրասենյակ մտնելու՝ զինված անձի պահանջի մասին. ՏԵՍԱՆՅՈՒԹ
Հասարակություն
23.01.2020 | 16:49
Միջադեպի պահին Ռոբերտ Քոչարյանի գրասենյակում ոչ ոք չի եղել, իսկ հետո արդեն աշխատակիցները չեն կարողացել վերադառնալ և մտնել, քանի որ Ոստիկանությունը շրջափակած է եղել հյուրանոցի մուտքը: Լրագրողների հետ զրույցում ասաց ՀՀ երկրորդ նախագահի գրասենյակի ղեկավար Վիկտոր Սողոմոնյանը՝ անդրադառնալով «Էրեբունի» պլազայում հնչած կրակոցների դեպքին:
«Որքանո՞վ է այս միջադեպը կապված նախագահ Քոչարյանի գրասենյակի հետ, կամ ինչքանո՞վ է դա մեզ առնչվում՝ չգիտեմ։ Կգերադասեմ տեղեկություններն ամբողջացնել։ Եթե մեզ ինչ-որ բանով այս միջադեպն առնչվում է, բնական է՝ կմեկնաբանենք, հայտարարություն կտարածենք։ Հիմա որևէ տեղեկություն չունեմ», – ասաց նա։
Սողոմոնյանը միաժամանակ նշեց, որ «Էրեբունի պալազայում» գործում են բազմաթիվ գրասենյակներ, իսկ ահա երկրորդ նախագահի գրասենյակը գտնվում է վեցերորդ հարկում։ «
Քանի չունեմ պաշտոնական տեսակետ, ենթադրում եմ, որ իրավապահ մարմինները հաղորդագրութուն կտարածեն։ Երբ կլինի իրադարձությունների նկարագիր, և եթե պարզվի, որ մեզ առնչվում է՝ տեղեկություններ կհայտնեմ», – ասաց Վիկտոր Սողոմոնյանը։
Վերջում նա հիշեցրեց, որ գրասենյակը հյուրանոցում տեղակայված է արդեն 12 տարի, և իրենք անվտանգության մակարդակի առումով որևէ դժգոհություն չունեն։
Մանրամասները՝ տեսանյութում:
