10.10.2026 | 18:45
Քննարկվել են Հայաստան–Կորեա համագործակցությանն առնչվող հարցեր
2020 թ. համար գազի գինը սահմանին չի փոփոխվելու․ Մհեր Գրիգորյան. ՏԵՍԱՆՅՈՒԹ
Տնտեսություն
22.01.2020 | 17:54
Կա պայմանավորվածություն, և 2020 թվականի համար ռուսական գազի գինը սահմանին չի փոփոխվելու: Ազգային ժողովում Կառավարության հետ հարցուպատասխանի ժամանակ պատասխանելով պատգամավոր Արման Բաբաջանյանի հարցին՝ այս մասին ասաց ՀՀ փոխվարչապետ Մհեր Գրիգորյանը:
«Ինչ վերաբերում է սակագնին, այսինքն՝ ինչ սակագին կարող ենք ունենալ Հայաստանում, այո՛, բազմաթիվ քննարկումներ եղել են և դեռ կլինեն, և կա պնդում «Գազպրոմ» խմբի կողմից՝ ներդրումային ծրագիր իրականացնելու, որ գազը անխափան, անվտանգ և արդյունավետ մատակարարելու համար անհրաժեշտ են ներդրումներ»,- ասաց նա:
Ընդ որում, ըստ փոխվարչապետի, քննարկումները և հաշվարկները իրականացնում են 10 տարվա կտրվածքով, դա մեկանգամյա խնդիր չէ:
«Իհարկե՝ կան տարաձայնություններ, և մենք չենք ասել, որ համաձայն ենք կամ հայտ կներկայացվի: Մենք ասել ենք, որ չենք բացառում, որ ապրիլի 1-ից հետո հայտ ներկայացվի»,- նշեց Գրիգորյանը:
Մանրամասները՝ տեսանյութում:
