20.12.2025 | 20:00
100,000 ռուբլի՝ ՀՀ-ում լրտեսության համար․ ՌԴ քաղաքացիները Հայաստանում տվյալներ են հավաքել․ ՏԵՍԱՆՅՈՒԹ
«Մշակութային կանգառ». Համազգային թատրոնը հյուրախաղերով հանդես կգա Լոռու մարզում
Մշակույթ
20.10.2017 | 15:15
ՀՀ մշակույթի նախարարության «Մշակութային կանգառ» ծրագրի շրջանակում Սոս Սարգսյանի անվան Համազգային թատրոնը
/գեղարվեստական ղեկավար՝ Վիգեն Չալդրանյան/ շարունակում է հյուրախաղերը ՀՀ մարզերում:
Ս. թ. հոկտեմբերի 19-ին, ժամը 17:00-ին, ՀՀ Լոռու մարզի Մեծավան համայնքում թատերախումբը հանդես է եկել Ռ. Լամուրեի «Ախ, կանայք, կանայք» կատակերգության բեմականացմամբ, իսկ հոկտեմբերի 20-ին` Մեծավանի և հարակից գյուղերի փոքրիկ հանդիսատեսին կներկայացնի Հ. Թումանյանի «Անբան Հուռին» մանկական ներկայացումը:
Հիշեցնենք, որ ՀՀ մշակույթի նախարարության «Մշակութային կանգառ» ծրագիրը մեկնարկել է ս. թ. հունվարի 26-ին: Ծրագրի շրջանակում, ՀՀ և ԱՀ 110 համայնքում ընդհանուր առմամբ կիրականացվի 426 միջոցառում` թատերահամերգային ծրագրեր, ցուցահանդեսներ, կինոցուցադրություններ:
