14.12.2025 | 21:40
Ոստիկանությունը ձերբակալել է Բրաունի համալսարանում կրակ բացելու մեջ կասկածվողին
Զինծառայողին ինքնասպանության դրդելու համար սահմանված պատիժը կխստացվի
Քաղաքականություն
21.01.2020 | 13:01
ԱԺ-ն այսօր երկրորդ ընթերցմամբ և ամբողջությամբ ընդունեց զինծառայողին ինքնասպանության դրդելու համար նախատեսված պատիժը խստացնող օրենքի նախագիծը։
Նշենք, որ ՀՀ քրեական օրենսգրքում լրացում կատարելու մասին օրենքի նախագիծը հեղինակել են «Բարգավաճ Հայաստան» խմբակցության անդամներ Նաիրա Զոհրաբյանը, Վահե Էնֆիաջյանը, Շաքե Իսայանը և Արման Աբովյանը:
Այսպես՝ իր զորամասի տարածքում կամ զինծառայության կրման մեկ այլ վայրում զինծառայողին ոչ միտումնավոր կամ գիտակցված սպառնալիքների հնչեցման, բռնության և դաժան վերաբերմունքի դրսևորման կամ նրա պատվի ու արժանապատվության նվաստացման միջոցով ինքնասպանության հասցնելը կպատժվի 4-8 տարի ազատազրկմամբ։ Եթե այս գործողությունները կատարվեն մի խումբ անձանց, սպայի, հրամանատարի, մի ենթակայի հանդեպ մյուսի, պարբերաբար նույն անձի հանդեպ, ապա ազատազրկման ժամկետը 6-9 տարի կլինի։
Զինծառայողին իր զորամասի տարածքում կամ զինվորական ծառայության այլ վայրում ոչ միտումնավոր կամ գիտակցված սպառնալիքներ հնչեցնելու, բռնության և դաժան վերաբերմունքի դրսևորման կամ նրա պատվի ու արժանապատվության նվաստացման միջոցով ոչ միտումնավոր ինքնասպանության հասցնելը պատժվում է 6-12 տարի ազատազրկմամբ։ Նույն գործողությունները՝ կատարված անձանց խմբի, ենթակայի հանդեպ հրամանատարի կողմից, կամ մարտական հերթապահություն կատարելիս, պատժվում են 7-13 տարի ազատազրկմամբ։
Օրենքի նախագիծն ընդունվեց միաձայն՝ 120 կողմ ձայնով:
