26.09.2026 | 20:38
Քաղաքացին ընկել է ջրհորը. նա հոսպիտալացվել է
Փաշինյանը սուպերվարչապետական համակարգ ասելով նկատի ուներ կեղծված ընտրություններով ձևավորվող ՏԻՄ իշխանությունները. Լիլիթ Մակունց. ՏԵՍԱՆՅՈՒԹ
Քաղաքականություն
20.01.2020 | 13:33
Ենթադրում եմ, որ «Իմ քայլը» խմբակցությունը սահմանադրական փոփոխությունների հանձնաժողովում ներկայացված կլինի պետաիրավական հանձնաժողովի անդամներով: Այս մասին ԱԺ-ում լրագրողների հետ զրույցում ասաց «Իմ քայլը» խմբակցության ղեկավար Լիլիթ Մակունցը:
Խմբակցության ղեկավարը նշեց, որ այս պահին հայտնի չէ, թե ինչ հոդվածներ են փոփոխության ենթարկվելու: Հարցին՝ արդյո՞ք անհրաժեշտություն կա կիսանախագահական կառավարման համակարգի անցնելու, Լիլիթ Մակունցն ասաց. «Այս պահին նման անհրաժեշտություն չեմ տեսնում, բայց պետք է աշխատանքային հանձնաժողովը քննարկի, ներկայացնի փաստարկներ, հակափաստարկներ»:
Լիլիթ Մակունցն ասաց՝ «Իմ քայլը» խմբակցությունն ունի փոփոխությունների մի շարք դիրքորոշումներ, որոնք կներկայացնի քննարկումների ժամանակ:
Մեր հարցին՝ արդյո՞ք սուպերվարչապետական համակարգը փոփոխության ենթարկվելու է, ինչպես ժամանակին պահանջում էր ընդդիմադիր Նիկոլ Փաշինյանը, Լիլիթ Մակունցը պատասխանեց. «Վարչապետը սուպերվարչապետական համակարգ ասելով՝ նկատի ուներ կեղծված ընտրությունների արդյունքում պարտադիր կերպով ձևավորվող ՏԻՄ իշխանություններ: Մենք այսօր նման բան չունենք: Մենք սուպերվարչապետական համակարգում ունենք ընդդիմություն, որն ուժեղ է, քան եղել է նախկինում»:
Մանրամասները՝ տեսանյութում:
Նարեկ Կիրակոսյան
