11.09.2026 | 23:28
Վարչապետը խարույկի շուրջ հանդիպում է ունեցել հեծանվավազքի «Վարչապետի գավաթ»-ի մասնակիցների հետ
Սա կարելի է համարել նախկինի արձագանքը, որը մեկ-մեկ մեր ականջին հասնում է նման ձևերով. Ալեն Սիմոնյանը՝ Կուտոյանի մահվան մասին. ՏԵՍԱՆՅՈՒԹ
Քաղաքականություն
17.01.2020 | 16:26
Այս լուրն ապշահար արեց ինձ և իմ գործընկերներին: Լուրը նոր է, տեղեկություններս այնքան են, որքանով մամուլից եմ տեղեկացել: Խորհրդարանում լրագրողների հետ ճեպազրույցում այս մասին ասաց ԱԺ փոխնախագահ, «Իմ քայլը» խմբակցության անդամ Ալեն Սիմոնյանը՝ անդրադառնալով ԱԱԾ նախկին ղեկավար Գեորգի Կուտոյանի մահվան լուրին:
Դիտարկմանը, որ Գեորգի Կուտոյանն ԱԱԾ ղեկավար է եղել և, բնականաբար, տիրապետում էր որոշակի տեղեկությունների, և այս շրջանում նման դեպքն արդյո՞ք պատահականություն, թե՞ կարող են նաև այլ հանգամանքներ լինել, Սիմոնյանն արձագանքեց. «Խոսքը վերաբերում է մարդու կյանքին: Ինքնասպանությունը կամ սպանությունը տարբեր մեկնաբանությունների և տարբեր հետևությունների առիթ են: Եկեք սպասենք, տեսնենք, թե ինչ կասի նախաքննող մարմինը»:
Հարցին, որ ավելի վաղ մահացած էին գտել նաև նախկին ոստիկանապետին, արդյո՞ք սա ահազանգ է իշխանությանը, ԱԺ փոխնախագահը պատասխանեց. «Ես կարծում եմ՝ սա նախկինի արձագանքը կարելի է համարել, որը մինչև օրս մեկ-մեկ մեր ականջին հասնում է նման ձևերով: Ցավալի արձագանք է, և կարծում եմ՝ հետևություններ պետք է անենք»:
Մանրամասները՝ տեսանյութում:
