17.11.2024 | 23:31
Պաշտոնանկություններ կառավարությունում․ 2 նախարար, ուժային կառույցների ղեկավարներ ու ՊԵԿ նախագահն ազատման դիմում են ներկայացրել
Մամեդյարովը հայտնել է մինչև հունվարի վերջ Զոհրաբ Մնացականյանի հետ հերթական հանդիպման մասին
Քաղաքականություն
17.01.2020 | 12:29
Հայաստանի և Ադրբեջանի ԱԳ նախարարները ԼՂ հակամարտության կարգավորման հարցով հերթական հանդիպումը կանցկացնեն մինչև հունվարի վերջ: Ադրբեջանական «Ինտերֆաքս»-ի փոխանցմամբ՝ այս մասին լրագրողներին ասել է Ադրբեջանի ԱԳ նախարար Էլմար Մամեդյարովը:
Նրա խոսքով՝ հանդիպման վայրն ու օրը հստակեցվում են:
Մամեդյարովը նշել է, որ ԵԱՀԿ Մինսկի խմբի համանախագահները պնդել են այդ հանդիպման անցկացման հարցում՝ վստահություն հայտնելով, որ վաղ թե ուշ բանակցություններն արդյունք կտան:
Նա նաև հավելել է, որ այս տարվա առաջին եռամսյակում նախատեսվում է նաև ԵԱՀԿ Մինսկի խմբի համանախագահների այցը տարածաշրջան:
ՀՀ ԱԳՆ խոսնակ Աննա Նաղդալյանը Factor.am-ի հետ զրույցում անդրադառնալով Մամեդյարովի հայտարարությանը՝ նշեց, որ ԵԱՀԿ Մինսկի խմբի համանախագահների մասնակցությամբ կազմակերպվող հանդիպումների մասին հայտարարվում է համաձայնեցված կարգով:
«Մենք այդ սկզբունքը երբեք չենք խախտում»,- ասաց Աննա Նաղդալյանը:
