04.08.2026 | 23:08
Հաշտարարների պալատի կրթական ծրագիրը ստացել է պետական երաշխավորում
Հեռուստատեսության և ռադիոյի օրենքը չի համապատասխանում հեղափոխական ՀՀ-ի իրողություններին. Մխիթար Հայրապետյան. ՏԵՍԱՆՅՈՒԹ
Քաղաքականություն
16.01.2020 | 12:55
Հեռուստատեսության և ռադիոյի մասին օրենքը հնացած է և չի համապատասխանում հետահեղափոխական Հայաստանում ստեղծված նոր իրողություններին և նրանց տրամաբանությանը։ Այս մասին այսօր՝ ԱԺ ամբիոնից հայտարարեց Ազգայի ժողովի Կրթության, գիտության, մշակույթի, սփյուռքի, սպորտի և երիտասարդության մշտական հանձնաժողովի նախագահ Մխիթար Հայրապետյանը։
«Նախորդ տարի հանդես եկա հայտարարությամբ, համաձայն որի՝ «Իմ քայլը» նախատեսում է փոփոխություններ և լրացումներ կատարել Հեռուստատեսության և ռադիոյի մասին ՀՀ օրենքում։ Հետևողականորեն շարժվում ենք առաջ և այսօրվա խորհրդարանական լսումները, որ նախաձեռնվել են ԱԺ Կրթության, գիտության, մշակույթի, սփյուռքի, սպորտի և երիտասարդության հանձնաժողովի շնորհիվ, նպատակ ունեն վեր հանել ոլորտում առկա խնդիրները»,- ասաց Մխիթար Հայրապետյանը։
Ըստ նրա՝ փոփոխությունները լինելու են մեծածավալ, լուրջ, ոմանց համար՝ բարդ ու դժվար։
«Օրենքը, նախահեղափոխական շրջանում, գուցե և ընդունելի կլիներ շատ կողմերի համար, սակայն այսօր մենք նպատակ ունենք ամբողջովին բարեփոխել այս ոլորտը։ Հիմնականում 3 ուղղությամբ եմ պատկերացնում օրենքի տրամաբանությունը և բովանդակությունը։ Այն լուծելու է տեխնիկական խնդիրներ, եթերի բովանդակություն և բացի այդ, դրանում հստակ պետք է արձանագրված լինի, թե ինչ կրթական և մշակութային բաղադրիչ պետք է դրված լինի օրենքի այս նախագծում»,- ասաց Հայրապետյանը։
