Հայաստանի ոստիկանությունը խաղաղ ցույցեր ցրելու հարուստ պատմության ունի. Human Rights Watch

Human Rights Watch-ը հրապարակել է աշխարհում մարդու իրավունքներին նվիրված ամենամյա զեկույցը։ «Նիկոլ Փաշինյանի կառավարությունը ձեռնամուխ է եղել բարեփոխումների հավակնոտ ծրագրի իրագործմանը` այդ թվում կոռուպցիայի դեմ պայքարին տնտեսական և արդարադատության ոլորտներում, սակայն ուժի չափից ավելի օգտագործումը իրավապահների կողմից մնացել է»,- նշվում է Human Rights Watch -ի զեկույցում։

«2018-ի դեկտեմբերին Հայաստանում կայացած խորհրդարանական ընտրությունները համապատասխանել են միջազգային չափանիշներին և անցել իրապես մրցակցային մթնոլորտում»,- ասվում է զեկույցում։

Զեկույցի հեղինակները նշել են նաև 2019-ի Ամուլսարի ոսկու հանքի շահագործման դեմ Երևանում տեղի ունեցած բողոքի ակցիան, որի ընթացքում Ոստիկանությունը թույլ չէր տվել բողոքի ակցիա իրականացնել խորհրդարանի շենքին հարող այգում` կարճ ժամանակահատվածով բերման ենթարկելով ցուցարարներից վեցին:

«Հայաստանի ոստիկանությունը խաղաղ ցույցերը ցրելու ընթացքում անհամաչափ ուժի կիրառման հարուստ պատմության ունի», – ասվում է Human Rights Watch-ի զեկույցում։

Human Rights Watch-ն անդրադարձել է նաև կանանց նկատմամբ բռնությանը՝ նշելով, որ դա դեռ լուրջ խնդիր է մնացել։ Պաշտոնական տեղեկությունների համաձայն՝ 2019-ի առաջին կեսին ընտանեկան բռնության 331 դեպք են հետաքննվել։ Այդ դեպքերից 209-ով տուգանք է սահմանվել, 45 գործ էլ ուղարկվել դատարան։

«Մարդու իրավունքների պաշտպանության ասպարեզում Հայաստանում դեռ խնդիրներ և թերություններ կան»,- ասվում է զեկույցում։