22.07.2026 | 23:29
СHP-ի նկատմամբ ճնշումների ֆոնին՝ Թուրքիայի ընդդիմության առաջնորդը հայտնել է նոր կուսակցություն ստեղծելու մասին
Մահացած եզդի զինվորի գործը տեղափոխվել է Հատուկ կարևորության գործերով վարչություն
Հասարակություն
14.01.2020 | 14:42
Նախորդ տարվա դեկտեմբերի 2-ին մահացած եզդի զինծառայող Արթուր Աջամյանի գործը տեղափոխվել է Քննչական կոմիտեի հատուկ կարևորության գործերով վարչություն։
Այդ մասին Factor.am-ի հետ զրույցում ասաց իրավահաջորդի ներկայացուցիչ, փաստաբան Հայարփի Սարգսյանը։
«Կարծում եմ՝ դա տեղի է ունեցել վարչապետ Նիկոլ Փաշինյանի ցուցումով։ Գործը տեղափոխվել է այնտեղ՝ ուսումնասիրության համար»,- մանրամասնեց փաստաբանը։
Հիշեցնենք, որ Արթուր Աջամյանը մահացու հրազենային վնասվածքով հայտնաբերվել էր Պաշտպանության բանակի հյուսիս-արևելյան ուղղությամբ տեղակայված զորամասերից մեկի պահպանության տեղամասում։
Նրա հարազատները դեկտեմբերի 26-ին բողոքի ակցիա էին արել՝ պահանջելով պատշաճ քննել գործը։ Այդ օրը վարչապետը հանդիպել էր զինվորի հարազատների հետ և խոստացել, որ ամեն ինչ արվելու է, որպեսզի քննությունն օբյեկտիվ լինի:
Մերի Մարտիրոսյան
