16.12.2025 | 12:12
ՖԻՖԱ․ Տարվա լավագույն ֆուտբոլիստի մրցանակի հավակնորդները
«Առաջիկա օրերին վարչապետի հետ հանդիպում կունենամ՝ քննարկելու Հանրային խորհրդի անելիքները». Ստյոպա Սաֆարյան. ՏԵՍԱՆՅՈՒԹ
Քաղաքականություն
13.01.2020 | 14:08
Ձեռնամուխ եմ եղել Կառավարության հետ քննարկելու այն տարածքները, որտեղ Հանրային խորհուրդը կարող է գործունեություն ծավալել: Այդ տարածքը պետք է հասանելի լինի, պատշաճ, ունենա դահլիճ, որտեղ քննարկումներ կանցկացվեն: Այս մասին այսօր լրագրողների հետ զրույցում նշեց Հանրային խորհրդի նախագահ, քաղաքագետ Ստյոպա Սաֆարյանը:
«Գիտեմ, որ Կառավարության կողմից առաջարկ է եղել Կառավարության շենքերից մեկում մշտական կեցավայր ունենալու վերաբերյալ: Առաջարկ է եղել նաև Սարյան փողոցի վերաբերյալ»,- ասաց Ստյոպա Սաֆարյանը:
Ըստ նրա՝ Հանրային խորհրդի կարևոր անելիքներից է գործողությունների ծրագրի հստակեցումը:
«Բազմաթիվ գործընկերներիս հետ հանդիպումներ եմ սկսել: Առաջիկա օրերին նաև վարչապետի հետ հանդիպում կունենամ՝ քննարկելու Հանրային խորհրդի անելիքերը»,- նշեց Ստյոպա Սաֆարյանը:
Նրա խոսքով՝ ցանկալի է, որ խորհրդի նիստերի կոնկրետ օրեր նշանակվեն. «Ուզում եմ խուսափել անցած պրակտիկայից, երբ կարող էր 3-4 ժամ տևողությամբ նիստ լինել և չհասցնեին քննարկել կարևոր խնդիրները»:
Մանրամասները՝ տեսանյութում:
Նելլի Մելքոնյան
