18.10.2026 | 15:52
Ծանրորդ Էմմա Պողոսյանը` Եվրոպայի երիտասարդների առաջնության ոսկե մեդալակիր
Իրանին այժմ ձեռնտու չէ ուղիղ պատերազմի մեջ մտնել ԱՄՆ-ի հետ. Արմեն Վարդանյան. ՏԵՍԱՆՅՈՒԹ
Քաղաքականություն
13.01.2020 | 15:14
Այն, որ Իրանն ու ԱՄՆ-ն վաղուց արդեն անուղղակի պրոքսի-պատերազմների մեջ են երրորդ երկրների տարածքում, նորություն չէ: Այսօր կազմակերպված «Իրան-ԱՄՆ նոր առճակատում. ի՞նչ սպասել» խորագրով փորձագիտական քննարկմանը նման կարծիք հայտնեց իրանագետ Արմեն Վարդանյանը:
«Բայց որ երկու երկրների հարաբերություններն այնքան կվատանան, այնքան կսրվեն, որ ուղղակի պատերազմի սպառնալիք կլինի, շատերիս համար անսպասելի էր»,- հավելեց փորձագետը:
Արմեն Վարդանյանի խոսքով՝ փորձագիտական շրջանակներում շատ է խոսվում այն մասին՝ արդյո՞ք համարժեք էր Թեհրանի պատասխան հարվածն ամերիկյան կողմից հայտնի գեներալի սպանությանը: «Ես կարծում եմ, որ ռեալ պոլիտիկի տեսանկյունից միանգամայն արդարացի էր»,- ասաց նա:
Իրանագետը հիշեցրեց, որ երբ ԱՄՆ-ն հայտարարեց միջուկային համաձայնագրից դուրս գալու մասին, Սպիտակ տան վարչակազմը հայտարարեց պատմության մեջ աննախադեպ ճնշումների քաղաքականության մասին, որի արդյունքում Իրանը պետք է մեկուսացվեր միջազգային հանրությունից:
«Իրանի նկատմամբ տարվում է քաղաքական, տնտեսական, հոգեբանական պատերազմ, և այս մեկուկես տարվա ընթացքում, Իրանի նախագահ Հասան Ռոհանիի խոստովանությամբ, իրանական կողմը մոտ 200 մլրդ դոլարի վնաս է կրել: Դա ահռելի թիվ է Իրանի համար և, բնականաբար, դա պետք է ազդեր նաև Իրանի ներսում գոյություն ունեցող հասարակական տրամադրությունների վրա»,- ասաց Արմեն Վարդանյանը:
Չնայած այս ամենին՝ փորձագետը չի կարծում, որ Իրանն ուղիղ պատերազմի մեջ կմտնի ԱՄՆ-ի հետ. ասում է՝ ձեռնտու չէ: Արմեն Վարդանյանը նաև Իրան-ԱՄՆ հարաբերություններում զարգացումների սցենարներ ներկայացրեց:
Մանրամասները՝ տեսանյութում:
