26.09.2026 | 20:38
Քաղաքացին ընկել է ջրհորը. նա հոսպիտալացվել է
Եկել է այն փուլը, երբ պետք է պարտադրանքի լեզվով խոսել. Փաշինյանը՝ սանհանգույցների խնդրի մասին. ՏԵՍԱՆՅՈՒԹ
Քաղաքականություն
09.01.2020 | 12:05
Կառավարության նիստի ժամանակ վարչապետ Նիկոլ Փաշինյանն անդրադարձավ սանհանգույցների խնդրին։ Նա տարածքային կառավարման և ենթակառուցվածքների նախարար Սուրեն Պապիկյանից հետաքրքրվեց, թե գազալցակայանների խնդրով, որով զբաղվում են նախորդ տարվանից, ի՞նչ փոփոխություններ կան։
Սուրեն Պապիկյանը նկատեց, որ իրենք համագործակցել են Տեսչական մարմնի հետ և նախորդ մեկ տարվա ընթացքում, գոնե միջպետական նշանակության ճանապարհների երկայնքով գտնվող բոլոր գազալցակայաններում, երկու անգամ ստուգումներ են անցկացվել, որոնց արդյունքում, մոտավորապես, 80 տոկոսով արդեն իսկ հագեցվել են նորմալ զուգարններով։ Նախարարն անդրադարձավ խնդիրներին, և առանձնացրեց հետագա սպասարկման հարցը։
«Մյուս հարցը՝ Տեսչական մարմինը հնարավորություն ունի տուգանելու, բայց ոչ պատշաճ կերպով սպասարկվող գազալցակայանների գործունեությունն արգելելու լիազորություններ չկան։ Բայց որպեսզի յուրաքանչյուրը հասկանա դրա լրջությունը, երբեմն պետք է ավելի կոշտ միջոցների հնարավորություն՝ ընդհուպ գործունեության արգելք»,- ասաց Պապիկյանը։
Վարչապետ Նիկոլ Փաշինյանը նկատեց, որ շատ համբերատար աշխատել են, բայց եկել է այն փուլը, որտեղ պետք է պարտադրանքի լեզվով խոսեն, որովհետև շատ կարևոր քաղաքակրթական խնդիր է։
«Պետք է մեխանիզմներ գտնել, և բոլոր այն օբյեկտները, որոնք այդ ստանդարտներին չեն համապատասխանում, գործունեությունը արգելել, կասեցնել մինչև այդ ներդրումները կարվեն, խնդիրները կլուծվեն»,- ասաց Փաշինյանը։
Մանրամասները՝ տեսանյութում։
