17.09.2026 | 23:38
Սամվել Կարապետյանի տնային կալանքը երկարաձգվել է
Աթոռները ոսկեջրած են, բայց զուգարանի դուռը բացում ես, թվում է՝ աղետյալ մի հատ ինչ-որ շրջանում ես. վարչապետ. ՏԵՍԱՆՅՈՒԹ
Քաղաքականություն
09.01.2020 | 11:50
Հայաստան ժամանող զբոսաշրջիկների համար պետք է պատրաստել տեղեկատվական թեթիկներ, տաքսիների մոտավոր գների մասին, ամեն ինչի մոտավոր գների մասին։ Այս մասին կառավարության նիստի ժամանակ ասաց ՀՀ վարչապետ Նիկոլ Փաշինյանը։
«Գաղտնիք բացահայտած չեմ լինի, եթե ասեմ, որ ՀՀ-ում, որքան զավեշտալի հնչի, որ մենք այս հարթակում նմանատիպ հարցեր քննարկել, ամենամեծ պրոբլեմներից մեկը վերաբերում է զուգարանների խնդրին։ Սա քաղաքակրթական կարևորագույն խնդիր է, երբ որ տեսնում ես 5 հարկանի ռեստորան, որտեղ աթոռները ոսկեջրած են և այլն, բայց երբ որ զուգարանի դուռը բացում, ներս ես մտնում, քեզ թվում է՝ աղետյալ մի հատ ինչ-որ շրջանում ես գտնվում»,- ասաց Փաշինյանը։
Ապա վարչապետը հետաքրքրվեց, թե արդյո՞ք գոյություն ունեն ստանդարտներ, Տեսչական մարմինների աշխատանքների համակարգման գրասենյակ ղեկավար Արթուր Ասոյանը պատասխանեց, որ ներկայացվող հիգիենիկ պահանջների վերաբերյալ ստանդարտներ կան։ «Առողջապահաության նախարարի հետ նախաձեռնել ենք դրանց փոփոխություններ, որպեսզի համապատասխանեցնենք ժամանակակից պահանջներին»,- ասաց նա։
Նիկոլ Փաշինյանն էլ նկատեց, որ մարդիկ 100.000 դոլար ներդնում ինչ-որ մի շենք կառուցելու համար, հետո հասկանում ես, որ ալարել են 200 դոլար ներդնել սանհանգույց ունելու համար»,- ասաց Փաշինյանը։
Մանրամասները՝ տեսանյութում։
