17.11.2024 | 21:00
Ի՞նչ գույն ունի գինին անապատում. ապաքաղաքական զրույց Ավագ Հարությունյանի հետ. ՏԵՍԱՆՅՈՒԹ
«Դիանա Հարությունյան» անուն ազգանունով ֆեյսբուքյան կեղծ էջը վարող անձը կալանավորվել է. ԱԱԾ
Հասարակություն
08.01.2020 | 11:38
«Դիանա Հարությունյան» անուն ազգանունով ֆեյսբուքյան կեղծ էջը վարող անձը կալանավորվել է։ Այս լուրը Factor.am-ի հետ զրույցում հաստատեցին ԱԱԾ մամուլի ծառայությունից։
«Մեղադրանք է առաջադրվել ՀՀ քրեական օրենսգրքի 226-րդ հոդվածի 2-րդ մասի 1-ին կետով (ազգային, ռասայական կամ կրոնական թշնամանք հարուցելը` հրապարակայնորեն կամ լրատվության միջոցներ օգտագործելով) և 254-րդ հոդվածի 1-ին մասով (համակարգչային տեղեկատվությանն ապօրինի տիրանալը)»,- փոխանցեցին ԱԱԾ մամուլի կենտրոնից:
Հիշեցնենք` հունվարի 3-ին «Դիանա Հարությունյան» ֆեյսբուքյան էջում տեղեկություն էր հրապարակվել, թե իբր ՀՀ վարչապետ Նիկոլ Փաշինյանը շնորհավորել է ԱՄՆ նախագահին՝ Իրանի բարձրաստիճան զինվորականի նկատմամբ կատարված գործողության կապակցությամբ։ Այս կեղծ լուրը տարածում էր ստացել նաև ադրբեջանական և իրանական ԶԼՄ-ներում։
