17.09.2026 | 23:38
Սամվել Կարապետյանի տնային կալանքը երկարաձգվել է
Բաղդադում ԱՄՆ դեսպանատան մոտ հրթիռ է ընկել. տուժածներ չկան
Քաղաքականություն
04.01.2020 | 22:32
Իրաքի մայրաքաղաք Բաղդադում Միացյալ Նահանգների դեսպանատան մոտ«Կատյուշա» տեսակի հրթիռ է ընկել: Զոհեր չկան: Այս մասին հայտնում է Reuters-ը: ԱՄՆ դեսպանատունը Բաղդադի՝ հատուկ հսկողության տակ գտնվող կանաչ գոտում է, որտեղ տեղակայված են կառավարական շենքեր և արտասահմանյան դեսպանատներ: Հրթիռն ընկել է Կանաչ գոտու տոնակատարությունների հրապարակում ՝ ԱՄՆ դեսպանատան մոտ:
Հրթիռակոծությունները սկսել են այն բանից հետո, երբ հունվարի 3-ին Արևմտյան Բաղդադում ԱՄՆ-ի օդային հարվածի հետևանքով սպանվեց Իսլամական հեղափոխության պահապանների կորպուսի «Քուդս» հատուկ ստորաբաժանման ղեկավար, գեներալ Ղասեմ Սուլեյմանին: ԱՄՆ զինված ուժերը հայտարարել են, որ սա «պաշտպանողական» գործողություն է եղել՝ կանխելու Սուլեյմանիի՝ տարածաշրջանում ԱՄՆ-ի շահերի դեմ հետագա հարձակումների կազմակերպումը:
Իրանի Գերագույն առաջնորդ Ալի Խամենեին խոստացել է «խիստ պատասխանել» սպանության մեղավորներին: Խամենեին նաև 3 օր ազգային սուգ է հայտարարել:
Հիշեցնենք, որ շաբաթներ առաջ էլ Բաղդադում գտնվող միջազգային օդանավակայանի մոտակայքում էր երկու հրթիռ ընկել:
