18.10.2026 | 20:17
«Մեր նպատակը նոր խոստումներ տալը չէ, այլ ստանձնած պարտավորությունները կատարելը»․ Մաթևոսյան․ ՏԵՍԱՆՅՈւԹ
Գիտության պետական կոմիտեի նախագահ Սամվել Հարությունյանը և նրա տեղակալը աշխատանքից ազատվելու դիմում են գրել
Քաղաքականություն
23.12.2019 | 19:53
Factor.am-ի տեղեկություններով՝ ՀՀ ԿԳՄՍՆ գիտության պետական կոմիտեի նախագահ Սամվել Հարությունյանը եւ նրա տեղակալ Վարդան Սահակյանն աշխատանքից ազատվելու դիմում են գրել։ Թե որն է պատճառը, փորձեցինք ճշտել Սամվել Հարությունյանից։ «Գիտեք, երևի չարժի պատճառներ նշել։ Ամեն ինչ սկիզբ ու վերջ ունի։ Վերջին հաշվով՝ տարիքով մեծ եմ բավականին, երկար տարիներ աշխատել եմ, հիմա թող ջահելները գան, շարունակեն»,-փոխանցեց Հարությունյանը։
Իսկ որն է եղել իր տեղակալի՝ 60 ամյա Վարդան Սահակյանի հրաժարականի պատճառը, արդյոք այս դեպքում եւս առաջացած տարիքը․ այս հարցի հետ կապված Հարությունյանը հրաժարվեց որեւէ մեկնաբանություն տալ։
2007թ-ից Գիտության պետական կոմիտեի նախագահի պաշտոնը զբաղեցնող Սամվել Հարությունյանը այս տարվա հունիսի 12-ին վարչապետ Ն․ Փաշինյանի որոշմամբ վերանշանակվել էր։
Հիշեցնենք, որ ամիսներ առաջ «Իրազեկ քաղաքացիների միավորում» ՀԿ ծրագրերի համակարգող Դանիել Իոաննիսյանը, անդրադառնալով Հարությունյանի վերանշանակմանը, հայտարարել էր․ «Բոլոր գիտնականները գիտեն, որ այս մարդը կոռուպցիոներ է: Սամվել Հարությունյանը Հայաստանի գիտությունը խորապես քանդողներից է»։ Այս հայտարարությունից հետո Հարությունյանը դատի էր տվել Իոաննիսյանին։
Նելլի Մելքոնյան
