17.10.2026 | 16:38
Ուկրաինային լրացուցիչ 70 միլիարդ եվրո է անհրաժեշտ. Զելենսկին դիմել է ԵՄ-ին
Սերժ Սարգսյանի ղեկավարությամբ նախորդ իշխանությունն է կրում պատասխանատվություն երեխաների առուվաճառքի համար. Գևորգ Պապոյան. ՏԵՍԱՆՅՈՒԹ
Քաղաքականություն
19.12.2019 | 12:33
Չնայած անմեղության կանխավարկածին՝ ես կարծում եմ, որ երեխաների վաճառքի դեպքերի համար նախևառաջ քաղաքական պատասխանատվություն են կրում նախորդ իշխանությունները: Ազգային ժողովի ամբիոնից ունեցած ելույթում այս մասին հայտարարեց «Իմ քայլը» խմբակցության պատգամավոր Գևորգ Պապոյանը:
«Որովհետև միայն վերից վար կոռուպմացված, հովանավորչությամբ երկրում հնարավոր էր 101 երեխայի վաճառել և պատասխանատվություն չկրեց: Ես կարծում եմ, որ առաջին հերթին նախորդ իշխանությունները՝ Սերժ Սարգսյանի և Հանրապետական կուսակցության ղեկավարությամբ, կրում են քաղաքական պատասխանատվություն այս դեպքի համար»,- ասաց Պապոյանը:
Նա հայտարարեց, որ նոր Հայաստանում ոչ միայն այդպիսի դեպքեր չեն լինելու, այլև «քաղաքական աղբամանը նետված քաղաքական ուժերի գործողություններին տրվելու են իրավական գնահատականներ»:
Հիշեցնենք, որ ՔԿ-ում օտարերկրացիների կողմից երեխաների ապօրինի որդեգրման դեպքերի առթիվ քննվող քրեական գործի շրջանակում մի խումբ անձանց կողմից նախնական համաձայնությամբ, ծնողներից երեխային ապօրինի բաժանելու կասկածանքով ձերբակալվել են «Վերարտադրողական առողջության, պերինատոլոգիայի, մանկաբարձության և գինեկոլոգիայի հանրապետական ինստիտուտ» ՓԲԸ տնօրեն Ռազմիկ Աբրահամյանը, փոխտնօրեն Արշակ Ջերջերյանը, «Երևանի մանկան տուն» ՊՈԱԿ-ի տնօրեն Լիանա Կարապետյանը:
Մանրամասները՝ տեսանյութում:
