27.09.2026 | 08:00
ՏԻՄ ընտրությունները մեկնարկեցին հանրապետության չորս համայնքներում
Բարդացնում ենք տեղական հանրաքվեի մեխանիզմը․ Վարազդատ Կարապետյան. ՏԵՍԱՆՅՈՒԹ
Քաղաքականություն
19.12.2019 | 12:24
ՀՀ Ազգային ժողովն այսօր հրավիրված արտահերթ նիստում երկրորդ ընթերցմամբ քննարկում է «Տեղական հանրաքվեի մասին» օրենքում լրացումներ և փոփոխություններ կատարելու մասին» և «Տեղական ինքնակառավարման մասին» օրենքում լրացումներ կատարելու մասին» ՀՀ օրենքների նախագծերի փաթեթը: Այն ներկայացրել են «Իմ քայլը» խմբակցության պատգամավորներ Վարազդատ Կարապետյանն ու Վահե Ղալումյանը:
Հիմնական զեկուցող Վարազդատ Կարապետյանն ասաց՝ առաջարկվող փոփոխություններից մեկով բարդացնում են տեղական հանրաքվեի մեխանիզմը՝ սահմանելով 50 տոկոսանոց մասնակցության շեմ:
«Քանի որ տեղական հանրաքվեն նաև ծախսատար գործընթաց է, մենք ուզում ենք երկու կարևոր բան հաղորդել համայնքներին: Այո՛, մենք պատրաստ ենք լսել համայնքների կարծիքը, բայց պետք է ներկայացուցչական լինի համայնքի կարծիքի արտահայտումը, այսինքն՝ հնարավորինս շատ մարդիկ պետք է մասնակցեն հանրաքվեին, և ոչ ամեն առիթով համայնքները դիմեն այս գործընթացին: Բայց քանի որ մենք ամեն դեպքում պարտավոր ենք համայնքների կարծիքը լսել, մենք երկրորդ փոփոխությունն ենք առաջարկել, համայնքների ղեկավարներին հնարավորություն տալով տեղերում անցկացնել բաց քննարկումներ և լսումներ, և այդ արդյունքները նույնպես կցել վարչատարածքային բաժանման մասին օրենքի նախագծին ԱԺ բերելուց առաջ»,- նշեց պատգամավորը:
Նա, միաժամանակ, հավելեց, որ սա իդեալական և կատարյալ տարբերակ չէ:
«Ընդհանրապես տեղական հանրաքվեի ինստիտուտը Հայաստանում դեռևս կայացած չէ, օրենքն էլ չի նպաստում այդքան, որ այս ինստիտուտը կայանա: Դրա համար մենք երկար դեռևս պետք է աշխատենք՝ համայնքներում ուղիղ ժողովրդավարության գործիքակազմը արդյունավետ ներդնելու ուղղությամբ»,- ասաց Վարազդատ Կարապետյանը:
Մանրամասները՝ տեսանյութում:
