17.11.2024 | 19:53
Հայաստանի հավաքականը 1:2 հաշվով հաղթեց Լատվիայի թիմին
Դավիթ Խաժակյանի աշխատանքը ջուրն է լցվում. Էդմոն Մարուքյան. ՏԵՍԱՆՅՈՒԹ
Քաղաքականություն
17.12.2019 | 13:45
ԼՀԿ ղեկավար Էդմոն Մարուքյանը կարծում է, որ Երևանի ավագանու «Լույս» խմբակցության ղեկավար Դավիթ Խաժակյանի աշխատանքը «ջուրն է լցվում», քանի որ լրատվամիջոցները հիմնականում լուսաբանում են սկանդալները, ոչ թե ավագանու անդամների իրական գործունեությունը: Այս մասին Մարուքյանն ասաց այսօր Ազգային ժողովում հրավիրած ասուլիսում՝ խոսելով ավագանիում Խաժակյանի պաշտոնավարումը շարունակելու նպատակահարմարության մասին:
«Ծածկում է, ասենք, ծիծաղը, ձեռ առնելը և ձեռ առնելու արձագանքը, որից հետո մնում է աշխատանքը, կորչում է: Հիմա եթե այդ աշխատանքը կորչում է, եթե քաղաքացիները չեն տեսնում այդ աշխատանքը և չկա այդ ընկալումը, արդյո՞ք անհրաժեշտ է, որ մենք շարունակենք այդտեղ լինել»,- ասաց Մարուքյանը:
«Լուսավոր Հայաստան» խմբակցության պատգամավոր Մանե Թանդիլյանն էլ հավելեց, որ ավագանիում բովանդակային քննադատությունն այլևս «Լույս» խմբակցության համար բովանդակային ուղղություն չէ:
«Այս պարագայում մենք չենք ունենում վերահսկողություն «Լույս» խմբակցության ուղղության համար: Որովհետև մենք ունենք ընդամենը մեկ անդամ խմբակցությունում, և նրա ձայնը լսելի չի լինում՝ բովանդակային, կարևոր, արժեքային քննադատությունը»,- ասաց Թանդիլյանը:
Նշենք, որ Երևանի ավագանու «Լույս» խմբակցությունը երեք անդամ ունի, որից «Լուսավոր Հայաստան» կուսակցության անդամ է միայն Դավիթ Խաժակյանը: Մյուս երկու անդամները՝ Թեհմինա Վարդանյանն ու Անի Խաչատրյանը, «Հանրապետություն» կուսակցությունից են:
Մանրամասները՝ տեսանյութում:
